Tung tơdroăng hlêi bâ, tâi ihiâm mơno ƀă loi tơngah dêi pó, péa Ngế pro xiâm hnê ngăn tơnêi têa hiăng mơnhên châ tơƀrê ing hnoăng tơrŭm cheăng pơla Việt Nam – Hà Lan tung pơla kố nah, tơpui tơno ƀă môi tuăn mâu troăng pêi la ngiâ vâ xúa châ tơƀrê tơmeăm ki ai hlâu, djâ tơrŭm cheăng Khu tơrŭm tâi tâng to a kơlo a’ngêi tâ xua pơxúa dêi péa tơnêi têa. Péa pâ pơtối thăm tơrŭm tâ mê ‘na tơpui tơno pơla khu râ kăn, ki má lối cho râ kăn xiâm, thăm loi tơngah kal kí, tơmiêt troh mơdêk tơrŭm to a râ a’ngêi tâ nếo; tơdrêng amê pơkâ pơtối tơrŭm, môi tuăn dêi rơpó a mâu hôp tơno hên khu, hên pâ ƀă lâp plâi tơnêi.

Péa Ngế pro xiâm hnê ngăn tơnêi têa xuân tơpui ‘na mâu tơdroăng kơpong ƀă lâp plâi tơnêi rơtế vâ ‘nâi plĕng, tối mơnhên ki kal troăng pêi cheăng ton xŏn dêi tơdroăng hơniêp ro, kring vế tơniăn, ƀă hmiân triăn tung pơto chơ tơmeăm khoăng drô têa kơxĭ, troăng tơƀai a kơpong ƀă lâp plâi tơnêi, ing xiâm kối luât lâp plâi tơnêi lĕm má môi cho Tơdroăng tơkêa ‘na Luât Têa kơxĭ 1982 (UNCLOS).

Rôh tơpui phôn apoăng pơla péa Ngế pro xiâm hnê ngăn tơnêi têa Việt Nam ƀă Hà Lan hiăng châ tơƀrê lĕm, ƀă mâu troăng prôk tơrŭm ki nếo, po hneăng mơnhông hên tơdroăng hiâm mơno pói vâ ăm tơrŭm cheăng Khu tơrŭm tâi tâng Việt Nam – Hà Lan.