Êng: Ô thak sih Đào Hữu Hiền apoăng rơnó mê hngê tơdroăng rak ngăn kơdrum kơphế ga ai pơxúa tiah lâi?

Thak sih Đào Hữu Hiền: Ki păng ‘nâng, vâi krâ-nho\ng o hiăng ‘nâi roh apoăng rơnó mê hngê, pơ’leăng kơphế dế ối tung rơnó ki vâ rế kân, piê xuân môi tiah tơdroăng ki kâi trâng ăm plâi vâ pro pơ’leăng i krâ le\m. Xua ti mê, tung pơla kố, pak^ng túa xúa ‘na kih thuât rak ngăn kơdrum loăng, môi tiah tróu tah tơkâng loăng, mơjiâng pro ăm kơdrum kơphế ai loăng hding xâp, hbrâ mơdât mâu oâ hdrong pơreăng, malối oâ ki ngiât, oâ rơbông mê vâi krâ nho\ng o kal athế ‘nâi túa  rơvât phon pro ăm loăng kơphế châ hrik trếo kơhiâm vâ păn roăng dêi plâi xuân môi tiah pơtối ăm loăng kô ai plâi a rơnó kơ’nâi ah nếo.

Êng: Trối mê tơdroăng ki rơvât vâ pro ai trếo kơhiâm tung pơla kố châ pêi pro ti lâi khoh tối tro, ô thak sih?

Thak sih Đào Hữu Hiền: A rơnó mê hngê ngin ai hnê tối ti kố: Tâng lơ xúa phon ki ôh ti hơ’lâk [ă mâu trếo ki ê mê pó athế rơvât phon lân. Xuân chiâng rơvât môi hdroh apoăng rơnó mê hngê lơ klâ xing xoăng chiâng péa hdroh. Tâng vâi krâ rơvât môi hdroh mê ngin ai mơhnhôk pó rơvât sap 500 troh a 700 ki lô tung 1 ha, xúa tiô kơlo krâ kơvâ dâng 3 ta#n. Tâng vâ rơvât phon hoă hok, môi tiah urea, kali pó athế hơ’lâk [ă vâ rơvât ăm loăng. Pin tơvât xuân athế ngăn ki dâi le\m lơ ôh dêi kơdrum loăng. Ngin pơtih, tâng deăng pó pêi mê châ 3 ta#n pơ’leăng 1 ha, pó chiâng vâ tơvât 400 kilô urea tung 1 hơnăm, thăm tơ’nôm 450 troh 500 kilô kali. Tâi tâng mâu phon ki kố ai 1 hơnăm, roh má 1 pin rơvât dâng 40% ga tơtro. Pak^ng mê, tâng vâi krâ-nho\ng o ôh ti rơvât phon lân, pó xuân chiâng xúa mâu phon rơvât ki hơ’lâk môi tiah NPK ki hmâ rơvât ăm loăng kơphế xua mâu hngêi kơmăi, ko\ng ti mơjiâng pro. A kơchơ ai hên túa phon vâ vâi krâ-nho\ng o tí tăng rôe xêh. La vâi krâ-nho\ng o kal athế rơvât tro tiô tơdroăng ki khu mơjiâng hiăng hnê.

Êng: ‘Na túa rơvât phon mê thak sih ai hnê tối ki klâi [ă vâi krâ-nho\ng o vâ khoh châ pơxúa má môi?

Thak sih Đào Hữu Hiền: Ngin ai hnê tối ăm vâi krâ-nho\ng o rơvât phon drêng pin hlo kong mêi hiăng chía hên, tí xê hlo kong mêi xiâm pu\n, pơtăm hdroh pin hiăng thâ tơbréa vâ rơvât dêi phon. Tâng vâi krâ-nho\ng  o xúa phon ki môi khu, ki ti hơ’lâk [ă phon ki ê, môi tiah phon lân mê athế tơvât dâng 5 tăng ăm 1 xiâm loăng, pó athế choi tơ’mô. Klêi mê, sap 20 hâi troh 1 khế kơ’nâi mê, pó athế rơvât phon hoă hok, môi tiah urea [ă kali, hơ’lâk [ă. Kơxo# phon hoă hok urea [ă kali mê roh kố athế rơvât dâng 40% dêi tâi tâng kơxo# phon ki hiăng tơvât tung hơnăm, môi tiah mê ai dâng 2 lăng phon urea [ă môi lăng tơdế phon kali ăm 1 xiâm loăng. Túa ki rơvât phon urea [ă kali athế hơ’lêh ăm i lâp, klêi mê rơvât hlối. Hdrối vâ rơvât athế khuih tah lôi hlá ki khăng drô xiâm loăng [ă choi phon tâ tá klôh. Vâ khoh thăm rế châ tơ-[rê ‘na tơdroăng rơvât phon vâi krâ-nho\ng o athế po tơnêi tơbêng dâng 10 cm, choi phon tâ tá xiâm, ngăn tiô ki xâp dêi tơkâng ga troh dâng lâi athế choi troh dâng mê, klêi mê kơđu phon ga kô pro ăm xiâm loăng châ hrik xo phon ki nếo choi mê, kum loăng kơphế chiâng dâi le\m. Tâng vâi krâ-nho\ng o xúa phon NPK vâ tơvât, túa tơvât, choi pro xuân môi tiah phon lân.

Ai môi tơdroăng ki ê nếo, tâng pin rơvât, choi lối hên phon hoă hok, pin piu lôi tơdroăng ki pro ăm tơnêi hơpok, mê tơnêi rế hía rế khăng kơtô [ă ôh tá dâi. Xua mê, tơdrêng pin rơvât, choi phon hoă hok pin xuân athế rơvât phon hữu cơ há vâ kum pro ăm tơnêi ai hên trếo kơhiâm. Drêng mê, ga nếo kum ăm khu rêi chiâng rơdêi têi [ă kâi châ hrik xo trếo kơhiâm, kơdroh tah tơdroăng ki tơnêi tro hiu [ă pro tơnêi chiâng khăng kơtô.

Hôm, mơnê kơ thak sih.

Nhat Lisa tơplôu [ă tơbleăng