VOV4.Sêdang - Riân troh a kơxo lơ 9/8, kong mêi kân, têa lân lu a mâu kong pơlê kơpong Tây Nguyên hiăng ai 9 ngế hlâ, tung mê, kong pơlê Dak Nông ai 4 ngế, Kon Tum ai 2 ngế. Mâu kong pơlê Gia Lai, Dak Lak, Lâm Đồng rêm kong pơlê xuân ai 1 ngế hlâ hlâ xua têa rơlêa, têa lân lu.

Kơxo hâi lơ 9/8, tơdroăng ki mơ’no têa a long têa hngêi kơmăi on tơhrik Dak Kar, kong pơlê Dak Nông hiăng châ ‘mâi rơnêu, rak tơniăn ăm long ki hdoăng têa kố. Lối 5 rơpâu 700 rơpo\ng kuăn pơlê a peăng hdroh xuân hiăng châ xe\n ối a tíu ki tơniăn. Long hngêi kơmăi on tơhrik Dak Kar a cheăm Dak Ru, tơring Dak Rlâp, kong pơlê Dak Nông ai ivá hdoăng 13 rơtuh met kho#i têa dế châ rơnêu pro bo ki vâ mơ’no têa xua hdrối mê hiăng tơđôu, klo\ng mơ’no têa xuân hiăng tơđôu, ing mê, péa pâ k^ng long hiăng tro têa đik plế, tơ’lêi pro kơnâng rơchôa tơhnah, pro pá ăm kuăn pơlê ki ối peăng hdroh rêh ối a mâu kong pơlê Dak Nông, Bình Phước [ă Lâm Đồng xuân trâm pá.

Hdrối mê, cho a kơxê măng lơ 8/8, Khu hnê mơhno xiâm dêi tơnêi têa ‘na hbhrâ mơdât xía vâ xua kong prâi pro hiăng ai hlá mơ-éa pơtroh tơdrêng ăm mâu kong pơlê, mâu khu râ vâ veăng to\ng kum. A rơchôa, long hngêi kơmăi on tơhrik, mâu ngế cheăng ‘na kih thuât hiăng thâ re\ng ‘mâi rơnêu vâ kơdroh têa ki plế lo, tiô troăng mơ’no têa a tíu ki ê. Dế nôkố, kơdró têa hiăng chu kơdroh châ 1 met tung long, rak tơniăn ăm long ki hdoăng têa. Maluâ ti mê, kơmăi ki rơvê vâ mơ’no têa xuân tá hâi teăm chiâng vâ cheăng. Túa cheăng ki chiâng pêi má mơ’nui, kô athế chiâ tơ’nôm klôh vâ mơ’no têa lo ing rơchôa.

Mâu kong pơlê Dak Nông prế Bình Phước hiăng tơku\m xe\n kuăn pơlê tơdrêng, ai lối 5 rơpâu 700 ngế kuăn pơlê ối peăng hdroh hngêi kơmăi on tơhrik Dak Kar troh ối a tíu ki tơniăn. Mâu kong pơlê, tơring, cheăm dế hbrâ kơxo# mơngế, plong, rơxế vâ to\ng kum tơdrêng tâng lơ ai tơdroăng xía vâ.

Hâi lơ 8/8, Kăn xiâm hnê ngăn Đảng kong pơlê, Vi [an kong pơlê, Vi [an Măt tra#n tơnêi têa Việt Nam dêi kong pơlê Dak Lak hiăng troh a tíu tơkăng kong Ia Lốp, tơring Ea Sup hbru tơmeăm, ‘nâi klê kuăn pơlê ki tro têa lu mơ-eăm tơkâ luâ xah pá, hnê mơhno ăm khu râ pơkuâ cheăng thâ kum kuăn pơlê tơniăn tung rêh ối.

Troh mơ’nui hâi lơ 8/8, cheăm Ia Rvê [ă Ia Lôp dêi tơring Ea Sup xuân dế tro klâ troăng, tơnêi tíu tâi tâng, xua troăng kân kơxo# 14C ai hên tíu ki tro têa lu trâu. Khu ngăn cheăng kâ lêng 737, Kuân khu 5 hiăng kơto  cano dêi lêng [ă khu ki gak ngăn a mâu têa lu vâ chơ tơmeăm to\ng kum troh a tíu kuăn pơlê ối, djâ kuăn pơlê lăm ối a kơpong tơdế tung mâu hâi ki kal.

Mâu khu râ pơkuâ cheăng Ea Sup xuân dế gak a mâu tíu ki ôh tá tơniăn. Klêi têa hiăng xiâ, tơring kô ‘mâi rơnêu mâu troăng ki xiâm, re\ng ‘mâi rơnêu pro troăng prôk kum kuăn pơlê prôk lăm. Tơdrêng [ă tơdroăng mơ-eăm to\ng kum kế kâ, tơring tơmâng khât tơdroăng cheăng hbrâ mơdât pơreăng klêi kơ’nâi têa kân lân lu.

Mơhé hiăng tâi kong mêi a hên tíu tung tơring Ea Sup têa xuân pơtối đik

Kong an tơring Ea Sup a kơpong têa lân lu tơdroăng cheăng séa ngăn [ă to\ng kum kuăn pơlê trâm xía vâ xua kong prâi pro

Khu kăn kong pơlê Dak Lak bruô tơmeăm ăm thôn 12, thôn 14, cheăm Ia Rvê

A tơring Ngọc Hồi, kong pơlê Kon Tum, kong mêi khía mơhot kân hiăng pro rơlâm tơhnâp hơpăm chêk dêi on veăng ngoh A Pix Lô [ă mâi ngoh cho Y Sa, ối a pơlê Chiên Chiết, cheăm Đăk Xú hlâ. On veăng ngoh A Pix Lô lo lăm chiâk a hâi lơ 6/8. Ôh tá hlo péa ngế châi a hngêi, rơpo\ng hngêi pơtâng tối ăm Khu kăn pơkuâ cheăm [ă hnối lo lăm tăng. Troh a kơxo gâ hâi lơ 8/8, Khu lăm tăng mê hiăng châ hlo ngoh A Pix Lô [ă nâ Y Sa hiăng hlâ xua hơpăm rơlâm tơhnâp.

Hâi lơ 8/8, têa lân lu, tâk đik pro hr^ng to hngêi kuăn pơlê a mâu cheăm Đại Lào, Lộc Châu, Lộc Tiến, Blao dêi pơlê kong kơdrâm Bảo Lộc, kong pơlê Lâm Đồng. A cheăm Đại Lào, kong pơlê hiăng djâ 50 rơpo\ng a mâu thôn 1, 2 [ă 3 ki tro têa lu trâu lăm ối a tíu ki tơniăn. A mâu thôn 7, 8 [ă 9 dế tro têa lu tâk đik hên.

Nôkố pơlê kong krâm Bảo Lộc dế mơhnhôk mâu lêng, ko\ng an, kuăn pơlê, đoân viên droh rơtăm kum kuăn pơlê lăm ối a tíu tơniăn.  

Nhat Lisa, Gương tơplôu [a\ tơbleăng