VOV4.Sêdang - Roh kong mêi têa kân lân lu kố a mâu kong pơlê Tây Nguyên hiăng mot hâi má 4, [a\ hlâ rong hên ‘na mơngế, lu\p ‘na kế tơmeăm khoăng, pêi chiâk deăng [a\ hngêi trăng troăng klông. Khu kăn pơkuâ, kơ koan cheăng [a\ kuăn pơlê Tây Nguyên nếo thâ rơnêu kế tơmeăm khoăng a mâu kơpong têa lân lu hiăng xiâ, kum kuăn pơlê tơniăn tung tơdroăng rêh ối, tơdrêng amê, tơku\m hbrâ ví xía vâ nếo. Tơdroăng xía vâ ki rơ-iô má môi cho Hngêi kơmăi on tơhrik Dak Kar, dế mơjiâng pro a cheăm Dak Ru, tơring Dak Rlâp, kong pơlê Dak Nông, achê kong pơlê Bình Phước.

Tíu ki mơ’no têa plế dêi long têa hngêi kơmăi lối 13 rơtuh met kho#i tro kreăng pro têa đi đo đik kân, pro tơ’lêi tơhnâp, mơnhâu tâi tâng kơpong kuăn pơlê rêh ối pá xôp ối tung mâu kong pơlê Dak Nông, kong pơlê Bình Phước [a\ Lâm Đồng.

Mâu kong pơlê hiăng tơku\m po xe\n thâ lối 5.700 ngế kuăn pơlê troh tíu tơniăn. Long têa hngêi kơmăi on tơhrik Dak Kar hiăng mơ’no têa ing troăng klo\ng, mơhé mê kô tơ’lêi tơhnâp tâng kong pơtối kong mêi kân.

Kơxo má hâi lơ 9/8, văng Bảo Lộc, ối tung troăng kân 20, troăng tơkâ luâ pơlê kong kơdrâm Bảo Lộc [ă tơring Dă Huoai, kong pơlê Lâm Đồng hiăng ai rôh tơnêi tơhnah ó. 1 toăng rơxế ki 50 tăng ‘nân [ă môi toăng rơxế 7 to tăng ‘nân dế kơtâu a troăng kơdrâ tro tơnêi tơhnah klêh ‘le\ng klêh tung thông [ă tro tơ’nhiê ó.

Péa toăng rơxế tro tơnêi, hmốu tơhnâp klêh a k^ng troăng

La mơhúa hên loăng kong [ă xiâm pơlái, kơlá tât pá ngiâ rơxế ô tô mê ôh tá ai ngế ki lâi hlâ, ai mâu ngế tro rong hiăng châ kuăn pơlê [ă khu ki tơdjâk troh djâ pơlât a hngêi pơkeăng kân 2 dêi kong pơlê Lâm Đồng.

Tíu ki tơnêi tơhnah pro rơxế ôh tá chiâng kơtâu

Rơxế dế ‘mâi mơnhông tíu ki tơnêi tơhnah a văng Bảo Lộc

Tơdroăng ki tơnêi tơhnah pro hên troăng dêi văng Bảo Lộc tro hâ ho. Khu ki ai tơdjâk troh kong pơlê Lâm Đồng mơ-eăm ‘no rơxế gu pro tơbăng, séa ngăn a mâu tíu ki mơni kô tơhnah tơhnâp tơnêi vâ tối tơbleăng ăm kuăn pơlê [ă mâu rơxế ki prôk lăm a troăng kân kơxo# 20.

A kong pơlê Dak Nông nếo ai tơ’nôm môi ngế tro têa mơhiu hlâ. Hâi lơ 8/8, nâ H’Loan, ối a [on Tăng So, cheăm Dak Som, tơring Dak Glong lăm kêi kơchâi a têa plông Dà Tong, kơdrâ tro têa kân lân lu mơhiu.

Klêi kơ’nâi hên chôu ti tăng, kuăn pơlê [a\ khu cheăng hiăng tăng hlo châ nâ. Khu râ kăn pơkuâ rơtế [ă kuăn pơlê hiăng to\ng kum môi iâ kơxo# liăn, to\ng kum mơhnhôk rơpo\ng ki trâm xía vâ mê.

A tơring Lak, kong pơlê Dak Lak ai 440 ha hdrê loăng pêt, tung mê ki hên cho klâng báu dế pơla vâ xôk tro tơdjâk xua kong mêi khía mơhot têa kân lân lu.

A cheăm Bông Krang ai 1 to rơchoâ têa tâk đik tro tơhnah. Hên kơpong kuăn pơlê rêh ối a cheăm kố dế mơni kô tro têa lân lu tâng kong pơtối ối mêi.

A Sa Ly [ă Kataringa Nga tơplôu [ă tơbleăng