VOV4.Sêdang - Pôa Đăng Hoàng An, Ngế xiâm phŏ ngăn tê mơdró hiăng ai rôh tơpui tơno ƀă pôa Martina Tauberova, Ngế xiâm phŏ ngăn ‘na tê mơdró kong têa Czëch ‘na tơrŭm cheăng kâ tê mơdró - cheăng ƀă kơmăi kơmok pơla Việt Nam ƀă Kŏng hòa Czëch hlối tơpui tơno mâu tơdroăng kal, tơdroăng pơkâ hbrâ vâ lăm pôu Việt Nam dêi pôa Andrej Babis, Ngế pro xiâm hnê ngăn kong têa Czëch.

A rôh hôp tơpui tơno, pôa Đặng Hoàng An tối  tung lối môi hơnăm hdrối, ƀă tơdroăng mơ-eăm dêi Đảng, tơnêi têa ƀă Chin phuh ƀă môi tuăn dêi kuăn pơlê, Việt Nam hiăng pê klêi tơdroăng “pơkâ tơpéa tơdroăng” cho hlối plâ mơdât pơreăng tơ-ƀrê ƀă hlối ‘mâi mơnhông cheăng kâ rêh ối pơlê pơla.

Ngế xiâm phŏ púi vâ mơdêk tơrŭm cheăng kâ tê mơdró ƀă ‘no liăn cheăng pơla péa tơnêi têa. Ngế xiâm phŏ thế Khu xiâm ngăn tê mơdró dêi péa tơnêi têa pơtối tơrŭm krá, hbrâ nhên ăm hneăng pôa Andrej Babis, Ngế pro xiâm hnê ngăn kong têa Czëch lăm pôu Việt Nam. Pôa loi khât hneăng lăm pôu drêng kố kô mơdêk tơrŭm pơla péa pâ rế tơ-ƀrê tâ nếo.

Gương tơplôu [ă tơbleăng