Drêng mâu tơmeăm hdroăng hiăng châ tơbleăng ‘măn tu\m têk, kuăn pơlê tơku\m ối tâ tá tơnêi ki ôh tá pêt ki klâi achê kơno têa [uôn Păn Lăm, pơlê kong kơdrâm {uôn Ma Thuột, kong pơlê Dak Lak, idrâp chêng koăng hiăng chuât xơtó, drêng mê, cho pơxiâm rơkâu xối xeăng mêi ki păng ‘nâng.

Pôa Y Sơn Rô, vâi khe\n dêi Pâ Djô, kăn pơlê Păn Lăm tối ăm ‘nâi, t^ng rơkâu xối xeăng mêi cho túa ki t^ng dêi tơdroăng pêi chiâk deăng tiah khôi hmâ dêi mơngế Rơđế, hmâ tơku\m po a khế 4 rêm hơnăm drêng pơxiâm chối báu. T^ng rơkâu xối kố ga cho vâ mơhno tối rơkong rơkâu pâ kơ khu xeăng pơtroh hên báu, prá alâi, tơdroăng rêh ối phâi tơtô, hơniâp ro.

‘’T^ng rơkâu xối kố ngin rơkâu pâ ăm môi hơnăm tơniăn le\m, kuăn pơlê châ hmiân tuăn, pói rơhêng vâ sap ing khế 4 kong ai mêi vâ vâi krâ – nho\ng o pơxiâm pêi tung rơnó chối báu, pêt alâi châ dâi le\m tâ, pơlê cheăm kô phâi tơtô, mơnhông luâ tâ, tơdroăng rêh ối dêi vâi krâ-nho\ng o phâi ro-kro niân tâ’’.

Túa ki xâng chối báu, kơ’neh hdrê [ă tôh têa vâ rơkâu xối xeăng mêi, tô tro khía ‘ló, châ pêi lo hên kế tơmeăm

Vâ hbrâ rơnáu ăm tơdroăng rơkâu xối kong mêi, hdrối mê, kuăn pơlê hiăng tăng rah môi tơnêi tíu plông ki krúa le\m, vâ mơhno tối cho tơnêi ki vâ pêi kâ, klêi mê, kâng kơnâng tâ tá. A tơdế chiâk, vâi mơdâng kâng [ă môi to hơpăm ki ai 2 râ, râ kơpêng cho vâ rơkâu xối xeăng [ă jâ xeăng, râ pá kơdâm cho hnôu báu ki vâ tối ‘na tơdroăng phâi tơtô. Mâu tơmeăm ki pêi chiâk, môi tiah ‘nêk, chông, krêu, loăng xâng châ ‘măn achê hơpăm. Pá kơdâm hơpăm mê vâi kô ‘măn kleăng –Ngế ki thế khu chêm kleăng mot tung chiâk kâ ‘nhê kế tơmeăm, pro tơ’nhê tâi tâng kế tơmeăm kuăn pơlê, ing mê, kuăn pơlê khoh chiâng rêh tung tơdroăng ki kơtiê kơklêa. Mâu um kơnái, imá, rơkái [ă pâu xot kuăn pơlê xo ‘măn tâ tá tung chiâk mê.

Pôa Y Ret Alio#, ối a pơlê Niêng 1, cheăm Êa ~uôl, tơring {uôn Đôn tối ăm ‘nâi, ki xiâm cho ing tơdroăng loi t^ng, ai xeăng, rêm tơmeăm hdroăng [ă mâu kế xúa vâ pêi chiâk deăng pơrá ai pơxúa păng ‘nâng [ă ôh tá păng lôi tung pơla rơkâu xối xeăng.

‘’Um mơngế cho vâ mơhno tối mâu khu xeăng [ă mâ hâi xua roh nah mơngế Rơđế hmâ loi dêi tiah kố, mâ hâi [ă mâu khu xeăng pơkuâ ngăn [ă rak vế kong loăng châ rế hên tiah hâi kố, xua ai hên têa mo\ng ki chiâng xêh. Mâu kuăn kiâ, môi tiah chêm, hơkái ki kâ ‘nhê báu prá alâi, kâ ‘nhê kế tơmeăm dêi kuăn pơlê mê kuăn pơlê athế lăm lúa, pêi kơtro, kơnó vâ rup kâ mâu kuăn kiâ ki mê. Tâ tá chiâk ki mê athế kâng tâ tá i krâu vâ kring vế kế tơmeăm châ rak ngăn hluăn kơ mâu kuăn kiâ ki kâ ‘nhê mê’’.

Klêi kơ’nâi rơkâu xối, rêm ngế pơrá ôu drôu xiâm, to\n chêng, rơngêi ting ting

Djeăm ki ‘măn tơmeăm hdroăng mê, ‘măn pá ngiâ hơpăm, drêng idrâp chêng hiăng chuât xơtó, pôa pơchâu pơchuât rơkong rơkâu mêi vâ kuăn pơlê ai têa chối dêi báu, báu ai kơpâu kơtốu hên, báu piê rơ’mok, kế tơmeăm pêi lo rế hía rế hên, báu pêng hnôu, pêng hneăm, rêm rơpo\ng hngêi tung pơlê châ phâi tơtô [ă hên mâu tơdroăng ki ê.

Pơtối mê, pôa pơchâu râng mơnge\n mo\ng hơ’lâk drôu [ă mơheăm chu xế a mâu pong, chêa ki tâ báu, tơmeăm pêi chiâk deăng [ă xế chu a tơnêi vâ krếo mâu khu xeăng rơtế ôu drôu xiâm [ă kuăn pơlê. Rêm ngế pơrá tríu hâk, mơhno tối tơdroăng ki vâ môi tuăn, kho\m mơ-eăm mot tung hơnăm nếo, pêi chiâk deăng ki nếo. Chêng hơkâ châ tô to\n chuât tơdrêng pu hung pu hung.

Drêng kố, vâi krâ-nho\ng o pơxiâm brôk dêi pó lo lăm tung kong vâ tăng têa xot, têa kơdruâ [ă lăm te\m dêi mâu khu kơtro, ngăn kơnó ki pêi mơdrah a k^ng chiâk, mâu vâi rơtăm râng khiâ, râng chăng kơhnhon xuâng tâ tá [ăng chiâk [ă hnối prếo a hơpăm chiâk, a ‘nâi ‘măn xeăng kleăng kât kriăm ko ga a môi to trăng tung hơpăm, klêi mê, vâi rơtăm ko prâng ko kleăng ki mê, cho vâ tối troh tah khu kiâ ‘mêi, rơtôh (xua khu kleăng hmâ pro báu chiâng hbâ mê kuăn pơlê tăm nâ. Troh mơ’nui, rêm ngế lo a chiâk xâng loăng xâng chối báu [ă tôh têa, mơgêi mâu túa ki rơkâu xối xeăng mêi.

Idrâp chêng hơkâ ôh tá păng lôi tung mâu hâi mơd^ng, rơkâu xối xeăng dêi mơngế Rơđế

Tiô khôi túa tiah hmâ klêi kơ’nâi 40 hơnăm dó vâ piu hiât lôi, ôh tá châ tơku\m po tung pơlê, jâ H’Lơm Niê (Nôu Chinh), ối a pơlê Păn Lăm tối, vâi krâ hlo phiu ro ‘nâng drêng châ ngăn môi khôi túa, vêa vong ai sap ing jâ dế ối tơx^n nah. Kố xuân cho roh ki vâ ăm vâi kuăn cháu châ hlo [ă mâ ‘na khôi túa, vêa vong dêi pâ pôa pin roh nah:

‘’Hdrối nah, drêng á dế ối tơx^n á xuân tơmâ châ trâm hlo mâu tơdroăng mơd^ng la hiăng ton nah, athế tơkôm troh 40 hơnăm kố nếo ai, pơla hdrối kố nah ôh tá hâi ai roh ki vâ veăng tơku\m po mơd^ng tiah nôkố. Nôkố, châ ngăn hlo mâu tơdroăng mê á ‘ló hâk phiu păng ‘nâng, châ ngăn mâu hnoăng cheăng tiô khôi hmâ roh nah dêi hdroâng kuăn ngo tơná. Pói tơngah a la ngiâ kố ah, hơnăm ah, hơnăm kơ’nâi ah nếo kô châ tơku\m po tiah nôkố vâ tơbâ ăm rêm ngế kuăn pơlê, malối [ă khu rơxông nếo vâ vâi hlê ple\ng dêi khôi túa, tơlá vâi krâ nah’’.

Klêi kơ’nâi po mơd^ng rơkâu xối xeăng mêi a kơno têa hiăng klê, rêm ngế prếo ing kơno têa, ing chiâk vêh troh a hngêi vâ rơkâu ivá ăm krâ pơlê [ă pơxiâm ôu kâ, sôk suâ, xah hêi tơdroăng hơdruê xuâng, to\n chêng tơgôu koăng. Kố xuân cho roh vâ mơngế Rơđế vâ tơbâ vâi rơxông nếo ‘nâi ple\ng ‘na tơdroăng mơd^ng le\m tro, vâ mơhno tối pơtối rak vế ăm rơxông kơ’nâi ah nếo. Mơngế Rơđế hmâ loi tơngah dêi tiah kố, klêi kơ’nâi rơkâu xối xeăng ai kong mêi, tơkéa vâ tối mê cho hơnăm ki mơhúa, tâi pơlê kô po ôu kâ kân krip, phiu ro, pói tơngah hơnăm kơ’nâi ah pơtối po rơkâu xối xeăng mêi tiah mê nếo.

H’Xíu Hmok chêh

Nhat Lisa tơplôu [ă tơbleăng