VOV4.Sêdang - Kơxo lơ 2/7, a Hà Nội, Ƀơrô Kăn xiâm hnê ngăn tơnêi têa tơkŭm po hôp tơbleăng Pơkâ ‘na tơdroăng mơ’no mâu kroăng phak hơnăm 2021 dêi kăn xiâm hnê ngăn tơnêi têa Kŏng hòa xah hô̆i chuh ngiah Việt Nam. Ngế pơkuâ ƀơrô Kăn xiâm hnê ngăn tơnêi têa cho pôa Lê Khánh Hải pơkuâ hôp tơbleăng. Tiô pơkâ dêi Kăn xiâm hnê ngăn tơnêi têa, tung pơla hiăng rak vế pêi pro tro liât pơkâ tung pơla kroăng phak ngăn tiô pơkâ mơ’no riân troh lơ 31/8/2021.

Mâu ngế ki châ mơ’no mê cho: Mâu ngế ki rak vế tro luât tung pơla ôí kroăng tung hngêi phak ki ai pơkâ khế hơnăm phak, mâu ngế ki pơkâ kroăng phak ta troh hlâ hiăng châ ăm kơdroh hơnăm phak ai tiô khế hơnăm pơkâ, mâu ngế ki châ ăm pơtê la rak tro luât pơxâu phak tung hngêi phak.

Tiah mê, kố cho rôh apoăng riân sap ing Luât pơkâ mơ’no mâu kroăng phak châ ‘mâi rơnêu a hơnăm 2018, Kăn xiâm hnê ngăn tơnêi têa pơkâ mơ’no vâ pêi pro tiô luât hơ-ui rĕng mơ’no, tiô pơkâ dêi Đảng, Tơnêi têa ƀă tơdroăng hmâ pêi pro ki lĕm tro ton nah dêi hdroâng mơngế ƀă mơngế ki ai xôi pơkâ kroăng phak, hnê tối thế vâi mơ-eăm hriâm ‘mâi rơnêu tơná tung pơla kroăng phak vâ vêh chiâng mơngế ki lĕm ai pơxúa ăm tơnêi.

Gương tơplôu ƀă tơbleăng