VOV4.Sêdang - Pôa Phạm Minh Chính, Ngế pro xiâm hnê ngăn Chin phuh nếo hnê mơhno ăm mâu khu xiâm, kơvâ cheăng, kong pơlê tơbleăng mâu tơdroăng pơkâ pêi tơdrêng teăm vâ kum Pơlê kong kân Hồ Chí Minh ƀă mâu kong pơlê peăng hdroh tơbleăng pêi tơ-ƀrê mâu pơkâ hbrâ mơdât pơreăng, rak tơniăn tơdroăng rêh ối ăm kuăn pơlê ƀă pơtối rak vế mâu tơdroăng cheăng kâ - rêh ối ki kal tung kong pơlê.

Ing mê, pôa Phạm Minh Chính thế mâu Kăn xiâm, mâu ngế pơkuâ kơ koan ki tơdâng Khu xiâm, Kăn hnê ngăn Vi ƀan mâu kong pơlê, pơlê kong kân pro tơ’lêi hlâu tung tơdah xo mơngế pêi cheăng, kuăn pơlê ing Pơlê kong kân Hồ Chí Minh ƀă mâu kong pơlê, pơlê kong kân peăng Hdroh vêh a mâu kong pơlê ƀă rak tơniăn tro tiô pơkâ ‘na hbrâ mơdât pơreăng; Tơniăn ‘na tơmeăm, thế ai tŭm tơmeăm xúa, ƀă chơ teăm tơdrêng ing mâu kong pơlê troh a pơlê kong kân  vâ  tê ăm kuăn pơlê, ôh tá xê to tơdroăng rơlối, ôh tá bê lơ rơlối hên, thế séa ngăn, xing xoăng teăm tơdrêng, ki pêi pro ahdrối cho vaccine ăm pơlê kong kân ƀă mâu kong pơlê, pơlê kong kân peăng Hdroh tơnêi têa vâ pêi tro mâu tơdroăng pơkâ pâk vaccine tro tiô khoa hok, tro  tơdroăng, tơniăn, tơ-ƀrê khât.

Gương tơplôu ƀă tơbleăng