VOV4.Sêdang - Drêng hlo tiu kơnâ yă, hên kuăn pơlê pêi chiâk deăng a kong pơlê Kontum dế hơ’lêh kơdrum kơxu, kơphế mê pêt tiu. Laga, xua ôh tá ‘nâi túa rak ngăn, mê hên kơdrum tiu nếo pêt hiăng hlâ pro kuăn pơlê ôh tá ‘nâi pro ti lâi. Ngế chêh hlá tơbeăng ai chêh tối ‘na tơdroăng kố.

            To lâi hơnăm achê pơla kố, a kong pơlê Kontum hiăng ai lối 300 hectar kơxu tro kuăn pơlê ko ‘nhê, mơ’no liăn pêt tiu. {a\ kuăn pơlê pêi chiâk deăng kong pơlê Kontum tiu cho loăng plâi ki nếo. Pôa Lưu Minh Đức, ối a tôh kơpho# 4, bêng Trần Hưng Đạo, pơlê kong kơdrâm Kontum, pêt 750 xiâm tiu sap hơnăm 2013, tối ăm ‘nâi: Achê kố ôh tá ai kơbố pêt xua mê vâ hriâm cho pá. Rêm roh xiâm tiu khêi hlá, lơ rơmôe gá tơkru\n, ôh tá ‘nâi kơ-êng kơbố, xua a Kontum ôh tá ai kơbố pêt tiu, thăm nếo ôh tá tê pơkeăng rak vế tiu. Á chu a Gialai kơ-êng mâu tíu tê pơkeăng ‘na hbrâ mơdât pơrea\ng, mê vâi tê ăm pơkeăng. Nếo apoăng xuân lăm roê hên xôh. Ai roh roê tro pơkeăng, mê kơdê tâi pơrea\ng, ai roh roê pơkeăng ôh tá tơtro mê thế lăm ti tăng ‘nâi ple\ng.

            Tá hâi ‘nâi kih thua#t rak ngăn, mơngế pêt tiu a Kontum dế trâm hên tơdroăng ôh tá tơniăn drêng pêt tiu. Tơ’lêi tro lu\p tung pêi cheăng sap ing apoăng rah tơnêi pêt, klêi mê rah hdrê [a\ tung tơdroăng rak ngăn. Rơpo\ng pôa Nguyễn Cường ối a thôn Nghĩa An, cheăm Ya Chim, pơlê kong kơdrâm Kontum cho vâ pơtih. Apoăng hơnăm 2014 rơpo\ng mơ’no liăn pêt vâ chê 200 xiâm tiu. Mơjo [a\ng tơnêi lôi chúa tê kơtê tung kơdrum, pôa tơno [a\ kơdrâi pêt tơvât hăng rơtâ tá tiu vâ pêi lo tơ’nôm liăn ngân. Mê ôh tá [e\ng ê mâu xiâm tiu dế ngiât le\m, mê khêi hlá klêi mê hlâ hlối. Pôa Nguyễn Cường tối ăm ‘nâi: Tiu ngiât le\m ‘nâng. Á pêt a tá hâi ‘nâi túa rak ngăn, pêt tơvât hăng tung kơdrum tiu mê tiu hlâ hlối. Rêi gá u\m tâi tâng. Hlâ châ môi hr^ng pơtăm chât xiâm tiu.

            Hên rơpo\ng xuân mơnhên troăng tơmiât apoăng kho\m pêt hmâ vâ tro lu\p vâ ‘nâi túa ki rơkê tơtro tung rak ngăn. Laga drêng kơdrum tiu tro pơrea\ng, cho mơjo khât. Pôa Đỗ Văn Học, ối a thôn 4, cheăm Hòa Bình, pơlê kong kơdrâm Kontum tối ăm ‘nâi: Drêng gá tro pơrea\ng mê gá hlâ xuân hên. Tâi tâng mâu xiâm ki hên plâi pơrá hlâ. Xiâm ki lâi tơkâng hên, kân, ai plâi hên mê hlâ. Ahdrối pêi xuân hiăng tơmiât nhên, nôkố tơdroăng ki ôh tá mơhúa, cho ôh tá chiâng vâ ví.

            Nôkố [a\ng pêt tiu a Kontum xuân dế châ kuăn pơlê pơtối po rơdâ. Kơvâ pơkuâ ‘na pêi chiâk deăng kong pơlê xuân hiăng ai hên roh pơtâng tối, tơdrêng amê po mâu lâm hnê kih thua#t pêt, rak ngăn tiu. Laga tiah mê tá hâi tu\m vâ kum kuăn pơlê kho\m châ kâ drêng mơ’no liăn pêt loăng plâi ki kố.

A Sa Ly tơplôu [ă tơbleăng