VOV4.Sêdang - Tơdroăng Pleăng mơheăm – Tơdjêp mơheăm Việt” hơnăm 2021 châ Khu hnê mơhno pleăng mơheăm kong pơlê Kon Tum tơkŭm po tung 2 hâi lơ 15 ƀă 16/7 a pơlê kong kơdrâm Kon Tum ƀă inâi khĕn “Hâi mơdĭng pleăng kơto mơheăm khêi Kon Tum”. Hâi mơdĭng kum tơ’nôm ăm Hngêi pơkeăng kân kong pơlê 300 tơdrong mơheăm vâ pơlât ăm mâu ngế ki tamo.

Tiâ mơnhên, khăm ngăn ivá ăm mâu ngế ki pleăng mơheăm

Ki khât gá ăm hlo, tung pơla ôh tá tơniăn dêi pơreăng COVID-19, mê “Tơdroăng tŏng kum – Tơdjêp kơto mơheăm Việt” ƀă tơdroăng pleăng mơheăm xuân dế tơdjâk rơdêi a kong pơlê Kon Tum. Hnoăng cheăng hbrâ mơdât pơreăng châ pêi pro kơtăng ƀă tơdroăng pơkâ 5K rak tơniăn ăm kuăn pơlê pleăng mơheăm ƀă mâu ngế ki cheăng ‘na khăm pơlât.

Ngoh Phạm Ngọc Quang kố cho rôh má 11 ngoh lăm pleăng mơheăm

Hơnăm kố tơdroăng “Pleăng mơheăm – Tơdjêp mơheăm khêi Việt” châ Khu hnê mơhno mơhnhôk pleăng mơheăm kong pơlê Kon Tum tơkŭm po a 3 tơring cho Sa Thầy, pơlê kong kơdrâm Kon Tum ƀă tơring Ngọc Hồi ƀă inâi khĕn Hâi mơdĭng pleăng kơto mơheăm khêi Kon Tum.

Nga tơplôu ƀă tơbleăng