Teăng mâ kăn hnê ngăn Kŏng an kong pơlê Dak Lak hiăng pơcháu hlá mơ-éa pơkâ ăm Đăi tă Nguyễn Văn Quy - Phŏ pơkuâ Vi ƀan tăng ngăn Đảng ủy kŏng an kong pơlê; Đăi tă Nguyễn Hưu Lương - Ngế pơkuâ ƀơrô kring gak tơniăn Kal kí tung khu kăn; Thươ̆ng tă Ngô Văn Hiển - Ngế pơkuâ ƀơrô ngăn Hô sơ; Thươ̆ng tă Lê Tôn Cương - Ngế pơkuâ Ƀơrô ngăn pơkâ tơleăng mâu ki xôi ƀă veăng kum ‘na Luât; Thươ̆ng tă Hà Quốc Huy - Ngế cheăng séa ngăn Kŏng an kong pơlê; Thươ̆ng tă Cao Tiến Phu – Ngế pơkuâ ƀơrô Kăn sát cơ động; Thươ̆ng tă Niê Thủy Hồng - Ngế pơkuâ hngêi pơkeăng Kŏng an kong pơlê ƀă Thươ̆ng tă Nguyễn Văn Lâm - Ngế pơkuâ xiâm Kŏng an tơring MDrak.

Tơdrêng amê, Kăn hnê ngăn Kŏng an kong pơlê xuân pơcháu hlá mơ-éa pơkâ  ƀă 3 ngế kăn ƀô̆ râ phŏ ƀơrô pơtê cheăng hơnăm hiăng krâ hdrối hơnăm pơkâ. Thiê̆u tươ̆ng Lê Vinh Quy, Ngế pơkuâ kŏng an kong pơlê Dak Lak rơkâu mâu kăn ƀô̆ kŏng an hiăng pê klêi mâu tơdroăng cheăng ki châ pơcháu, pơtê cheăng, kâ liăn khế pơtê cheăng tro tiô pơkâ; hlối mơnê mâu tơdroăng cheăng ki mâu kăn hiăng pêi pro, veăng ‘no veăng ai hnoăng tơdjuôm dêi mâu lêng kŏng an kong pơlê tung mâu hơnăm hdrối mê hía nah.