A mâu tíu pêi cheăng tơdjuôm râ cheăm, mâu khu droh rơtăm ki pleăng dêi hnoăng hnê kuăn pơlê cài đặt định danh điê̆n tưh, đăng ký tài khoản công dân điê̆n tưh ƀă hên ki ê. Tơdrêng amê hlối tiâ mơnhên, tối leăng ƀă gum tiâ tối mâu tơdroăng ki kal ‘na mâu tơdroăng ki vâ chêh pro mơéa, tơdroăng cheăng tơdjuôm ing troăng hyôh internet.

Lo lăm pêi cheăng sap ing hâi lơ 1/7, troh nôkố, mâu đoàn viên droh rơtăm dêi kong pơlê Lâm Đồng hiăng gum lối chât rơpâu ngế kuăn pơlê tiâ mơnhên hnê tối mâu tơdroăng ki kal xiâm vâ pro mâu mơéa a tíu xiâm chêh pro mơéa tơdjuôm châ pêi cheăng tơniăn, kơdroh hâi khế tpdah xo  ƀă mơdrếo mâu mơéa ki hiăng pro klêi, malối cho ƀă mâu kơpong hngế hngo, kơpong hdroâng kuăn ngo ki tá hâi hlê plĕng tung tơdroăng xúa kong ngê̆ kơxô̆.