134 ngế kăn ƀô̆ a Gia Lai chêh inâi pơtê cheăng hdrối hơnăm pơkâ
Thứ hai, 14:00, 24/02/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Khu xiâm ngăn ‘na chiâk deăng ƀă Mơnhông thôn pơlê kong pơlê Gia Lai hiăng ai hlá mơ-éa chêh inâi pơtroh ăm Khu xiâm ngăn mơngế pêi cheăng kong pơlê, ‘na tơdroăng 134 ngế ki pơkuâ mâu kơ koan, tíu pêi cheăng, mâu ngế cheăng a mâu kơ koan ƀă mơngế pêi cheăng pro hlá mơ-éa pâ pơtê cheăng hdrối hơnăm pơkâ, mâu ki ‘na pơtê cheăng hlối tiô luât pơkâ, ai tơdroăng tŏng gum a Pơkâ 178 dêi Chin phuh.
Mê cho, tung tâi tâng kơxô̆ 134 ngế chêh inâi, ai 92 ngế pơkuâ mâu tíu pêi cheăng (tung mê ai 83 ngế pơtê cheăng hdrối hơnăm pơkâ, 9 ngế pâ pơtê cheăng hlối) ƀă 7 ngế pâ pơtê cheăng hhdrối hơnăm pơkâ.
Tơdroăng kăn ƀô̆, mơngế pơkuâ cheăng, mơngế pêi cheăng dêi mâu kơ koan, mơngế ki pêi cheăng a Khu ngăn pơngế pêi chiâk deăng ƀă mơnhông thôn pơlê Gia Lai chêh inâi pơtê cheăng tiô pơkâ tŏng gum tiô pơkâ 178 vâ pêi tiô pơkâ pro rế lĕm, rah iâ tê mơngế pêi cheăng ăm tơnêi têa, mơdêk tơƀrê, pơxúa tơdroăng cheăng dêi tíu pêi cheăng tơ’mot tơdjuôm tung la ngiâ.
Viết bình luận