Riân troh tơdế khế 2/2025, hiăng ai 15 ngế kăn ƀô̆ ối tung Khu pơkuâ tơdroăng cheăng Đảng kong pơlê Kon Tum pâ pơtê cheăng hdrối hơnăm. Tung mê, ai pôa Nguyễn Trung Hải, Kăn cheăng tung khu pơkuâ tơdroăng cheăng Đảng kong pơlê, Kăn pơkuâ pơtâng tối tơdroăng kal kong pơlê Kon Tum.

14 ngế kăn ƀô̆ ki ê nếo pâ pơtê hdrối hơnăm cho kăn cheăng Đảng kong pơlê, Kăn pơkuâ ƀă Phŏ Kăn pơkuâ mâu khu cheăng, kơvâ cheăng. Jâ Ngô Thị Hoàng Anh, Phŏ Kăn pơkuâ tơdroăng cheăng Đảng kong pơlê Kon Tum tối ăm ‘nâi, mâu kăn ƀô̆ pâ pơtê cheăng hdrối hơnăm pêi pro tiô hiâm mơno Pơkâ kơxô̆ 18 dêi Khu xiâm pơkuâ Đảng, pro tơ’lêi hlâu ăm tơdroăng pêi pro troăng hơlâ dêi Tơnêi têa pơhlêh nếo, rah xo bro lế lĕm tro khu pêi cheăng dêi khu cheăng kal kí, tơdrêng amê pro tơ’lêi hlâu ăm kăn ƀô̆ hơnăm ối nếo ai ivá pơtối pleăng.