VOV4.Xơ Đăng - Tiô Ƀơrô Hnê mơhno má môi Khu hnê mơhno Tơnêi têa ‘na hbrâ ví kong prâi hơ’lêh, troh 17 chôu kơxê lơ 3/4, kong mêi têa kân lân lu a peăng Tơdế tơnêi têa hiăng pro 2 ngế hlâ, 1 ngế hía ƀă 5 ngế tro rong. Ki nhên, kong mêi têa kân lân lu pro tơhnâp 2 toăng hngêi; 50 toăng hngêi tơkêa kuâ; 262 plong tuk tro krăm; dâng 2 rơpâu 600 hlâm păn ká tro tơ’nhê; lối 88 rơpâu ha báu ƀă dâng 17 rơpâu ha prá lâi tro têa kân lân lu, tro lu\p. Rơnêu kế tơmeăm khoăng xua kong prâi pro, mâu kong pơlê tơkŭm po mơ’no têa, têa xiâ troh a lâi mê pôe xo tơmeăm troh amê, troh hâi lơ 3/4, mâu kong pơlê Quảng Ngãi, Bình Định, ƀă Phú Yên hiăng pôe xo lối 23 rơpâu ha báu; hiăng toi xo châ 171 toăng plong tuk.

Ƀơrô hnê mơhno má môi tơnêi têa ‘na hbrâ ví kong prâi pro ôh tá tơniăn pơkâ mâu kong pơlê pơtối thâ rơnêu kế tơmeăm; tŏng kum kuăn pơlê ‘na tơmeăm kâ, ôh tá ăm rơpŏng ki lâi kơklêa. Mơhnhôk khu cheăng kum kuăn pơlê mơgrúa kong prâi, rơnêu hngêi tro tơtêa kuâ, têa lân lu, rĕng tơniăn tơdroăng rêh ối kuăn pơlê.

A Sa Ly tơplôu ƀă tơbleăng