Pơtối mê, pôa Huỳnh Thế Mạnh – Kăn pơkuâ Pơtâng tối tơdroăng kal tơnêi têa kong pơlê Gia Lai, hơnăm kố 59 hơnăm, kô pơtê cheăng sap ing lơ 1 khế 3 la ngiâ. Pôa pâ pơtê cheăng tung pơka Khu pơtâng tối tơdroăng kal tơnêi têa ƀă Khu pơtâng tối mơhnhôk kuăn pơlê châ tơ’mot chiâng Khu pơtâng tối tơdroăng kal ƀă Pơtâng tối mơhnhôk kuăn pơlê dêi Khu kăn pơkuâ hnê ngăn Đảng Gia Lai.

Rơtế ƀă pôa Huỳnh Thế Mạnh, pôa Dương Dã – Phŏ Kăn pơkuâ hnê mơhno má môi Đảng ủi Khô̆i mâu kơ koan ƀă khu tê mơdró kong pơlê ƀă pôa Huỳnh Tấn Đoan – Phŏ Kăn pơkuâ hnê ngăn cheăng Đảng ŭy Khô̆i mâu kơ koan ƀă khu tê mơdró kong pơlê xuân châ Khu pơkuâ tơdroăng cheăng Đảng kong pơlê Gia Lai xuân tơbleăng pơkâ pơtê cheăng hdrối hơnăm chiâng vâ pơtê cheăng.

Tơdroăng kăn ƀô̆ ối tung Khu kăn pơkuâ hnê ngăn Đảng Gia Lai pơkuâ pâ pơtê cheăng hdrối hơnăm mơhno hiâm mơno pôu râng hnoăng cheăng, hbrâ ăm tíu cheăng ăm tơdroăng rah xo nếo vâ bro lế lĕm tro, mơdêk châ tơƀrê, châ tơƀrê dêi kăn râ kăn pêi cheăng.