39 kăn ƀô̆ Khô̆i Đảng a Dak Lak pâ pơtê cheăng hdrối hơnăm
Thứ bảy, 09:00, 15/02/2025
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Khu tơkŭm po Tĭnh ŭy Dak Lak nếo pơtroh mơ-éa pơkâ mâu kơ koan, tíu cheăng kêi đeăng hô sơ pơkâ thế pơtê hdrối hơnăm ăm 39 ngế kăn ƀô̆, kŏng chưk, viên chưk ối tung mâu kơ koan, tíu cheăng khô̆i Đảng dêi kong pơlê chiâng vâ pơtê cheăng tiô pơkâ a Pơkâ kơxô̆ 178/NĐ-CP.
Inâi kố tá hên kăn ƀô̆ pro mâu kăn pơkuâ ki kal môi tiah: Phŏ Kăn pơkuâ hnê mơhno má môi cheăng Đảng, Phŏ Kăn pơkuâ hnê ngăn cheăng Đảng, Kăn pơkuâ tơkŭm po, Kăn pơkuâ Viƀan séa ngăn Đảng ŭy Khô̆i mâu kơ koan ƀă khu tê mơdró; Kăn rah chêh hlá tơbeăng Dak Lak; mâu kăn pêi cheăng cho Kăn pơkuâ pơtâng tối tơdroăng kal mâu tơring Krông Năng, Ƀuôn Đôn, Krông Păč, Ea Kar; Kăn pơkuâ Mơhnhôk kuăn pơlê mâu tơring Čư Kuin, Ea H’leo, kăn pơkuâ tơdroăng cheăng Đảng Ƀuôn Hồ ƀă hên mâu phŏ kăn pơkuâ rơtế mâu kăn ƀô̆, viên chưk ki ê.
Viết bình luận