Vâ rak vế tơniăn tơdroăng rêh ối ăm lối 1 rơpâu ngế kuăn pơlê a 5 to pơlê, mố đô̆i ƀă khu lêng kong pơlê athế po môi to troăng prôk tơkâ luâ ngo. Kăn ƀô̆, lêng ôh tá la lâi pơtê mơ-eăm, djâ mâu kế kâ, têa ôu troh ăm vâi krâ kuăn pơlê.

Lối hrĭng ngế kăn ƀô̆, lêng Trung đoân 24, Sư đoân 10, rơtế ƀă mâu khu lêng kong pơlê Quảng Ngãi, khu lêng kuăn pơlê ki rak ngăn pơtroh mâu kơmăi kơmok vâ ‘mêng rơnêu mâu tíu ki ai tơnêi tơhnah a cheăm Ngọc Linh; tơdrêng amê hlối pro mâu kông ki prôk pơtân vâ vâi krâ nhŏng o prôk lăm, hok tro troh hngêi trung.

Nôkố tơdroăng ki tơnêi tơhnah tơhnâp a mâu cheăm kong ngo, kong pơlê Quảng Ngãi xuân dế ôh tá tơniăn. Mâu cheăm dế pơtối tơbleăng pêi mâu túa pơkâ rak vế tơniăn troh châ chăn ăm kuăn pơlê.