VOV4.Xơ Đăng - Tiô Khu xiâm ngăn hnê hriâm ƀă hnê mơjiâng tuăn ngôa rơkê ‘na tơdroăng lăm hriâm nếo dêi hok tro, sinh viên tung lâp tơnêi têa, riân troh mơ’nui hâi lơ 7/2, ai 53 to kong pơlê tung 63 to kong pơlê, pơlê kong kơdrâm, kong kân ăm vâi hdrêng mầm non ƀă hok tro râ má môi lăm hriâm a hngêi trung ing hâi lơ 7/2 troh lơ 14/2/2022. Mê cho khô̆i mầm non ƀă râ má môi, ai 63 to kong pơlê, pơlê kong kơdrâm, kong kân hiăng chêh pơkâ ăm hok tro hriâm tung khế 2 hơnăm 2022. Tung mê, ai 57 to kong pơlê, pơlê kong kơdrâm kong kân ăm 100% ngế hok tro lăm hriâm a hngêi trung sap ing lơ 8/2. 

Khô̆i râ má pái, 63 to kong pơlê, pơlê kong kơdrâm hiăng ăm hok tro lăm hriâm tơdrêng a hngêi trung ing hai lơ 7/2. Ƀă râ đăi hok, tâi tâng mâu hngêi trung hnê Đăi hok hiăng chêh pơkâ tơkŭm po hnê a hngêi trung pơxiâm ing lơ 14/2 la ngiâ.

Gương tơplôu ƀă tơbleăng