VOV4.Xơ Đăng - Kơxo lơ 12/1, a Tíu pêi cheăng Kăn xiâm hnê ngăn tơnêi têa, Ƀơrô Kăn xiâm hnê ngăn tơnêi têa tơkŭm po Hneăng hôp mơgêi tơdroăng pêi cheăng hơnăm 2021 ƀă pêi pro hnoăng cheăng hơnăm 2022. Xông tơpui a hneăng hôp, pôa Nguyễn Xuân Phúc, Kăn xiâm hnê ngăn tơnêi têa kheăn kơdeăn Ƀơrô Kăn xiâm hnê ngăn tơnêi têa hơnăm 2021 hiăng ai ivá ó rơdêi nếo, khŏm mơ-eăm tâ nếo tung tơdroăng tơbleăng tơdroăng kal, kum pêi cheăng.

Ƀơrô Kăn xiâm hnê ngăn tơnêi têa kal mơnhông tâ mê nếo tơdroăng châ tơbrê tơdroăng tơbleăng cheăng kal

Mơnhông mơdêk khôi túa mê, hơnăm 2022, Ƀơrô Kăn xiâm hnê ngăn tơnêi têa kal thế hbrâ châ hlo tơdroăng, tiô tơdroăng tơnêi têa vâ pêi tơtro tơdroăng tơbleăng tơdroăng kal ăm Kăn xiâm hnê ngăn tơnêi têa ƀă Kăn xiâm phŏ hnê ngăn tơnêi têa; mơnhông mơdêk khôi túa rŭm môi tuăn, pêi pro châ tơƀrê tâ mê nếo tơdroăng tơbleăng tơdroăng kal, tơkŭm tâi tâng tơdroăng, veăng kum ăm tơdroăng châ tơƀrê dêi tơnêi têa.

Kăn xiâm hnê ngăn tơnêi têa xuân tối rơdêi, kăn ƀô̆ Ƀơrô Kăn xiâm hnê ngăn tơnêi têa kal mơdêk hiâm mơno djâ troăng ahdrối, hriâm xêh, hbrâ hriăn plĕng, mơdêk tuăn ngôa rơkê, mơnhông mơdêk ivá pêi cheăng, tuăn ngôa rơkê vâ kêi đeăng hnoăng cheăng tơbleăng ki Đảng, Tơnêi têa pơcháu.

A Sa Ly tơplôu ƀă tơbleăng