A tơnêi rơdâ lối 100m2 kơdrum hngêi pôa Kor Tân (pơlê Gà, cheăm Ia Boòng), Đô̆i K52 hiăng tơkŭm chiâ tăng, tơkŭm châ 18 kơxêng kiâ mâu ngế hlâ ai hnoăng. Mâu kơxêng kiâ mê châ ‘mé ilĕm kơtăn dêi rơpó dâng 20cm. Nôkố tâi tâng 18 kơxêng kiâ mâu ki hlâ ai hnoăng mê châ xo ăm ngăn vâ mơnhên ăm ‘nâi ADN.

Pakĭng kơpong pơlê Gà, Khu pơkuâ ngăn Lêng cheăm Ia Boòng tơdrêng ƀă mâu tíu pêi cheăng ki tơdjâk troh pơtối mơnhên tơdroăng, po rơdâ tí tăng a kơpong pơlê Sung O ƀă Boòng Nga. Cheăm Ia Boòng cho dêi tơring Chư Prông ton nah cho tíu xiâm tơplâ ó a rơxông tơplâ xâ Mih nah. Tiô pơkâ, troh hâi lơ 20/10, Đô̆i K52 kô pê klêi hnoăng cheăng a cheăm, hbrâ rôh lăm rôu tăng vâ tơkŭm kơxêng kiâ mâu ngế ki hlâ ai hnoăng a kong têa Kul tung rơnó tô mơdrăng hơnăm 2025-2026.