VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa hiăng kĭ Pơkâ kơxô̆ 260 xing xoăng ăm tê kơtê ôh tá xo liăn 1.868 tâ̆n phái ing kơxô̆ phái ‘măn kơdĭng tơnêi têa ăm mâu kong pơlê: Nghệ An, Dak Lak, Gia Lai vâ tŏng kum kuăn pơlê tro tơdjâk xua pơreăng COVID-19 (roh má 2). Ki nhên, kong pơlê Nghệ An xing xoăng ăm lối 700 tâ̆n phái; kong pơlê Dak Lak 1.014 tâ̆n phái; kong pơlê Gia Lai 153 tâ̆n phái.

Ngế pro xiâm hnê ngăn tơnêi têa pơkâ Khu xiâm pơkuâ cheăng pêi - Mô đô̆i rong râ ƀă Rêh ối pơlê pơla, Khu xiâm pơkuâ liăn ngân pêi tiô pơkâ; pôu râng hnoăng cheăng ‘na tơdroăng kal ƀă tơdroăng tơbleăng. Viƀan mâu kong pơlê: Nghệ An, Dak Lak, Gia Lai pôu râng hnoăng cheăng ‘na ki tro păng ‘nâng dêi tơdroăng tơbleăng ƀă nôkố tŏng kum teăm tơdrêng, tro mơngế, kơlo tiô pơkâ ƀă tơtro ƀă tơdroăng hbrâ mơdât pơreăng a kong pơlê.

A Sa Ly tơplôu ƀă tơbleăng