Tơbleăng pêi pro Pơkâ 204 dêi Khu pơkuâ hnê ngăn Đảng ‘na tơdroăng pơkâ pơhlêh kơxô̆ tung mâu kơ koan Đảng. Tiô tơdroăng pêi pro dêi Khu pơkuâ ngăn Đảng pơlê kong kân, troh hơnăm 2030, Đà Nẵng mơ-eăm ai mâu ngế ki pro klêi khoa hok, kong ngê̆ ƀă pơhlêh nếo tơmiât rơkê dêi pơlê kong kân châ a kơlo ki rơkê, tung khu mâu kong pơlê, pơlê kong kân ối tung tơnêi têa ối ahdrối tung lâp tơnêi têa ƀă khu mâu pơlê kong kân ối ahdrối dêi kơpong Đông Nam Á.

Kơlo kơxô̆ pơhlêh kơxô̆, mơnhông Chin phuh điê̆n tưh, tơniăn tơdroăng kal tung măng ƀă kơvâ cheăng ki kal xua ki xiâm ‘na bán dẫn, ứng dụng tuăn ngoâ rơkê kong pơlê mơjiâng pro khu 03 ƀă chih kơxô̆ pơhlêh nếo tơmiât râ kong pơlê PII tung khu mâu kong pơlê, pơlê kong kân ối tung tơnêi têa ối ahdrối tung lâp tơnêi têa; ai ki iâ cho 01 khu mơdró kâ kong ngê̆ kơxô̆ tơdâng ƀă mâu kong têa ki rơkê plĕng tơdjêp, tơkŭm ƀă troăng kơphô̆ ki rơkê plĕng tung tơnêi têa ƀă tung kơpong Đông Nam Á; ing hơnăm 2025, Khu kăn pơkuâ pơlê kong kân tơbleăng hnê mơhno, pơkuâ tung tíu ki ‘măn rak tơdroăng kal ƀă tung kơmăi kơmok kơxô̆.