VOV4.Xơ Đăng - Kơxê lơ 17/1, pơlê kong kân Đà Nẵng tơkŭm po ôm hyô troăng tơ-ƀai  kơneăng troh Đà Nẵng. Tơdroăng mê kum ăm khu ngăn ‘na ôm hyô  ƀă ‘na ‘na ôm hyô ngăn troăng tơƀai tiô pơkâ po troăng tơ-ƀai lâp plâi tơnêi tung hơnăm 2022 tơdrêng ƀă mâu luât pơkâ tŏng kum ‘na troăng tơ-ƀai nôkố. Nôkố, tơraih tơ-ƀai lâp plâi tơnêi Đà Nẵng ai luât pơkâ kơdroh sap 10-50% yă to tơƀai ƀă Khu tơƀai ôh tá kơneăng troh kong têa ê; ôh tá nâp liăn mung  Ƀơrô pêi cheăng ăm mâu Khu tơ-ƀai.

Xuân tung kơxê lơ 17/1, Khu xiâm ngăn ôm hyô Đà Nẵng ƀă Kŏng ti veăng tơlo liăn tê mơdró Duy Anh kĭ tơhrâ tung Hlá mơ-éa chôu vế tơrŭm cheăng tơkŭm po hneăng hôp tơpui ‘na tơdroăng mơnhông tơ-ƀrê troăng tơ-ƀai  Châu Á  hơnăm 2022. Hneăng hôp tơpui ‘na mơdêk tơ-ƀrê troăng tơƀai châu Á hơnăm 2022 kô po sap lơ 6 - 8/2/2022, tơ’mot lối 500 ngế kăn ing 110 khu ngăn tơ-ƀai, 30 tíu pêi cheăng ngăn tơmối to tơ-ƀai. Kố cho tơdroăng po tơngah pơxiâm pêi cheăng dêi khu tơ-ƀai lâp plâi tơnêi a Đà Nẵng.

Gương tơplôu ƀă tơbleăng