Tiô tối hdrối Hngêi trung kô rah xo 2.900 ngế hriâm đăi hok chính quy ăm 35 kơvâ cheăng hnê, ối tung mâu kơvâ Sức khỏe, Nông lâm, Sư phạm, Kinh tế. Tung mê ai 1 kơvâ hriâm ki nếo pro châ tơdroăng ki rơhêng vâ pêi cheăng dêi pơlê pơla cho kơvâ Sư phạm Khoa học Tự nhiên.

Sinh viên hriâm klêi kơvâ hriâm ki kố kô hnê môn Khoa học tự nhiên râ má péa tiô tơdroăng hnê hriâm ki nếo. Hngêi trung Đăi hok Tây Nguyên xúa 4 túa ki rah xo, mê cho: Rah xo tiô điêm tơ’noăng mơgêi râ má pái trung hok phôh thong hơnăm 2023, rah xo hok ƀă râ má pái, rah xo tiô điêm tơ’noăng mơnhên ivá hriâm dêi Đăi hok Quốc gia Pơlê kong kân Hồ Chí Minh ƀă rah xo tơdrăng tiô pơkâ dêi Khu xiâm ngăn hnê hriâm ƀă hnê mơjiâng tuăn ngoâ rơkê.

Tơdroăng ki po hên mâu tơdroăng ki rah xo hok tro mot hriâm cho vâ pro tơ’lêi, thăm mơdêk rôh ki châ mot hriâm ăm mâu hok tro. Tơdrêng amê, hlối kum hngêi trung rah xo mâu hok tro ki ai tŭm ivá ƀă tơtro ƀă tơdroăng ki kal dêi mâu tơdroăng hnê.