A roh hôp tơpui tơno, Đăi tươ̆ng Phan Văn Giang mơnhên Việt Nam pêi pro troăng prôk tơpui kâ ƀă kong têa ê tơniăn krê, pơkuâ xêh, hên túa phá tơ-ê, hên troăng phá tơ-ê, hbrâ ƀă thăm mot tơrŭm lâp plâi tơnêi, cho pú hmâ, khu loi tơngah, mâu ngế tơrŭm cheăng ai hnoăng cheăng dêi mâu kong têa lâp plâi tơnêi; đi đo ngăn Mih cho môi tung mâu khu tơrŭm cheăng ton xŏn má môi.

Đăi tươ̆ng Phan Văn Giang tối nhên, tơrŭm cheăng rơnêu mâu tơdroăng ki tơplâ xâ nah pro tung pơla kố nah cho tíu eăng tung tơrŭm cheăng gâk kring tơnêi têa pơla péa tơnêi têa, gum ôh tá tối xếo tơdroăng ton nah, tơmiât troh tơdroăng la ngiâ. Pôa Pete Hegseth mơnhên pôa Donald Trump, Kăn xiâm pơkuâ kong têa Mih nhuô̆m vâ kheăn kơdeăn tơrŭm cheăng ƀă Việt Nam; pói vâ tung la ngiâ pơtối mơdêk ó rơdêi tâ mê nếo tơrŭm cheăng Việt Nam – Mih tối tơdjuôm ƀă tơrŭm cheăng gâk kring tơnêi têa pơla péa pâ tối krê; ing mâu tơdroăng xiâm hiăng môi tuăn, tung mê, ki xiâm cho tơrŭm rơnêu tơmeăm khoăng xua tơplâ tơplong pro.