Diâp hlá mơ-éa Pơkâ ƀă ăm reăng rơkâu kơ pôa Nguyễn Minh Huấn xo pêi hnoăng cheăng ƀă, pôa Võ Văn Cảnh, Kăn phŏ hnê ngăn Vi ƀan kong pơlê Dak Lak tối nhên: Tơmeăm khoăng - Hyôh kong prâi têa - tơnêi cho tơdroăng cheăng pêi rơdâ, tơvâ tơvân, ôh tá khoh  pro luâ tơdroăng. Xua mê, tung pơla dế pro kăn pêi hnoăng  ki nếo, Ngế xiâm pơkuâ Tơmeăm khoăng - Hyôh kong prâi, têa - tơnêi kal thế pơtối rak vế tuăn rơkê, ivá veăng, túa pêi cheăng, thế đi đo mơ-eăm, tí tăng hriâm ƀă mơdêk tuăn mơ-eăm pêi hnoăng cheăng vâ pêi klêi tơdroăng cheăng ki pơcháu, mơjiâng tíu pêi cheăng rế ton rế mơnhông tơƀrê.

Tơbleăng xo tơdroăng cheăng pêi, pôa Nguyễn Minh Huấn tối hâk tơngăm châ mâu kăn kong pơlê tơngah, rah xo pơcháu  hnoăng cheăng pêi ki nếo. Tung hnoăng cheăng pêi ki nếo mâu tơdroăng cheăng pêi hngăm hngo, Ngế xiâm pơkuâ ngăn Tơmeăm khoăng ƀă hyôh kong prâi têa tơhrâ kố ôh tá la lâi pơtê hriâm, pơtối hriâm vâ rế hlê tơdroăngkal kí, tơdroăng cheăng pêi, pơtối rak hnoăng cheăng pêi, hbrâ rơnáu tí tăng ‘nâi plĕng mâu tơdroăng; mơdêk tơrŭm môi tuăn rơtế ƀă khu pú hên kơ koan, tíu pêi cheăng pê klêi hnoăng cheăng ki hiăng pơcháu.