Dak Lak: Hiăng tơkŭm po klêi Hneăng hôp Đảng ƀô̆ rôh má I, mơnhên 3 tơdroăng ki mơnhông tơƀrê
Thứ năm, 05:00, 02/10/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Klêi kơ’nâi rôh hôp mơgêi kơxo lơ 1/10, Khu tơkŭm po Hneăng kân Đảng ƀô̆ kong pơlê Dak Lak rôh má I, hơnăm 2025-2030 hiăng tơkŭm po hôp tơbleăng tơdroăng kal klêi kơ’nâi pêi cheăng.
Tung 3 hâi, Hneăng hôp ai 5 ngế veăng pơchuât tơbleăng, 79 ngế tơpui ‘na kơxop hlá mơ-éa, tơkŭm tung mơgêi hneăng cheăng 2020-2025; séa ngăn dêi tơná dêi mâu kăn pơkuâ ăm hneăng pêi cheăng nếo; veăng tơpui ‘na mơ-éa Hneăng hôp 14 dêi Đảng; tơbleăng Pơkâ ƀă Tơdroăng pêi pro.
Pôa Nguyễn Đình Trung, Kăn pơkuâ ngăn Đảng tối rơdêi, klêi kơ’nâi Hneăng hôp, tâi tâng Đảng ƀô̆ kô tơbleăng tơdroăng Pơkâ, tơkŭm tung 8 tơdroăng, 3 tơdroăng ki mơnhông tơƀrê, tơtrŏng mơjiâng Đảng, kăn pơkuâ, khu pơkuâ tơdroăng cheăng kal kí krá rơdêi.
Tung mê, kơjo mơjiâng pro troăng prôk, mơjiâng pro ôm hyô, mơjiâng mâu kơpong, tíu ôm hyô vâ pro ivá mơnhông cheăng kâ rêh ối pơlê pơla ƀă túa lĕm tro dêi kong pơlê.
Viết bình luận