Kố cho kong pơlê ai kơdrâm kuăn pơlê hdroâng kuăn ngo ƀă hên tơdroăng tiô khôp rơtế pêi cheăng, xua mê tơdroăng pơhlêh tíu pêi cheăng tơnêi têa pơkâ pơkuâ krá tơniăn, ôh tá lôi hrá tung pêi pro troăng hơlâ ƀă tơdroăng loi tĭng tiô khôp. Hdrối mâu tơdroăng ki ai khât kố, kong pơlê hiăng pêi kêi đeăng Khu hnê mơhno tơdroăng pêi cheăng hdroâng mơngế - loi tĭng tiô khôp a péa râ; mơjiâng Khu pơkuâ hdroâng mơngế ƀă Tơdroăng loi tĭng tiô khôp pŭn kơbong pêi cheăng; tơdrêng amê mơnhông hnoăng krâ pơlê, ƀok xối, yă chĭng, ƀop phop, yah phop tung mâu troăng pêi pơtâng kuăn pơlê rơkê môi tiah: Rêh ối lĕm ‘na châ, tro ‘na mơhúa’’, ‘’3 tơniăn’’.

Mâu troăng pêi kố kum tơdjêp kuăn pơlê, rak tơniăn a mâu cheăm nếo tơmot chiâng môi. Pôa Hồ Văn Niên, Phŏ Ngế xiâm tối rơdêi, tâng ôh tá tơ’nôm teăm tơdrêng mê tơdroăng pêi cheăng hdroâng mơngế - tơdroăng loi tĭng tiô khôp tơ’lêi pơtê tơdế rá, ƀă pơkâ kong pơlê thế ai troăng prôk kơtăng tâ.