Mâu tơdroăng pơkâ ‘na tơrŭm cheăng dêi mâu kăn ƀă kăn ƀô̆ xiâm hiăng châ khu kăn pơkuâ hnê ngăn Đảng kong pơlê Dak Lak tơbleăng ‘na tơdroăng hiăng mơgêi tơdroăng cheăng dêi Đảng, đoân, khu kăn Đảng; Khu rak ngăn ivá dêi mâu kăn ƀô̆ kong pơlê, Đảng ƀô̆ khô̆i mâu kơ koan ƀă khu mơdró kong pơlê; Pơkâ dêi Hô̆i đong kuăn pơlê ‘na tơdroăng ăm pơtê ƀă Tíu pêi cheăng tăng ‘nâi plĕng mâu rơdroăng ăm Vi ƀan kong pơkê; mâu pơkâ pơtê cheăng hdrối khế hơnăm pơtê ƀă mâu ngế cheăng tung khu kăn Đảng kong pơlê, mâu kăn ƀô̆ xiâm dêi Đảng ủy Khô̆i mâu kơ koan ƀă khu mơdró kong pơlê, tơdrêng ƀă mâu kăn mâu tíu pêi cheăng, khu râ, kơvâ cheăng, tíu pêi cheăng râ kong pơlê.

Ing mê, jâ Huỳnh Thị Chiến Hòa, Kăn phŏ hnê ngăn Đảng kong pơlê, Kăn hnê ngăn Hô̆i đong kong pơlê châ rah pro kăn hnê ngăn Đảng ƀô̆ mâu kơ koan kong pơlê; pôa Phạm Ngọc Nghị, Phŏ Kăn pơkuâ hnê ngăn Đảng kong pơlê, Kăn hnê ngăn Vi ƀan kuăn pơlê kong pơlê châ rah pro kăn pơkuâ hnê ngăn Đảng ủy Vi ƀan kuăn pơlê dêi kong pơlê.

A hneăng hôp, pôa Nguyễn Đình Trung, Kăn pơkuâ hnê ngăn Đảng ủy kong pơlê Dak Lak tơmâng xo ƀă Khĕn kơdeăn ki mơ-eăm, ai hnoăng cheăng pêi dêi mâu kơ koan, tíu pêi cheăng tung tơdroăng tơbleăng mâu pơkâ xing xoăng pro rế lĕm mơngế pêi cheăng ăm tơnêi têa.