VOV4.Xơ Đăng - Tơdroăng ăm ‘nâi ing đông mối đô̆i tơkăng kong a Ea H’leo (khu ngăn mố đô̆i gak tơkăng kong dêi kong pơlê Dak Lak) kơxo lơ 20/3, mâu kăn ƀô̆ mâu lêng dêi Đông dế tơrŭm ƀă mâu lêng tơbleăng tŏng kum kuăn pơlê cheăm tơkăng kong Ia Lốp, tơring Ea Súp tơkâ luâ xơpá xua kong prâi pro ôh tá tơnăn klêi kong mêi kân ton hnối ai jâ kơdo rơvê. 

Hdrối mê, a kơmăng lơ 18/3, a thôn Chiềng ƀă thôn Đóng, cheăm Ia Lôp, kơdrâ ai kong mêi kân ton hlối ai jâ kơdo rơvê pro 10 toăng hngêi kuăn pơlê a thôn mê tơ’nhiê ‘na hngê ối hlối tơ’nhiê báu prá alâi. 2 toăng hngêi trung râ má 1 Bá Thước ƀă Hngêi trung mầm non Hoa Lan xuân tro khía pro tơtêa tôl ƀă tơ’nhiê tâi tâng tơmeăm khoăng.

Mô đô̆i a Dak Lak 

Klêi kong prâi pro ôh tá tơniăn, Đông mố đô̆i gak tơkăng kong Ea H’leo hiăng teăm tơbleăng mâu mố đô̆i, rơtế ƀă mâu kăn kong pơlê kum kuăn pơlê xe\n djâ dêi mâu tơmeăm lăm ối tíu tơniăn. Hlối tơkŭm lăm pôu, hơlêm mâu rơpŏng kuăn pơlê ki tro tơ’nhê kế tơmeăm, rah mâu kăn bô̆, mố đô̆i kum kuăn pơlê ‘mâi rơnêu hngêi trăng, hngêi trung hriâm, vâ rĕng tơniăn tung rêh ối.

Gương tơplôu ƀă tơbleăng