VOV4.Xơ Đăng - Kơxô̆ ngế tâ SARS-CoV2 pơtối tâk hên tung mâu hai hdrối nah pro kuăn pơlê a kong pơlê Dak Lak tơbriât dêi rơpó lăm roê kit test séa ngăn pơreăng. Xua kuăn pơlê roê hên, kơchơ tê trâm tơdroăng ki ôh tá bê kit vâ tê. Nâ Nguyễn Thị Thanh Tâm, ngế ki pơkuâ tíu tê kế tơmeăm khăm pơlât An Tâm a troăng Y Jut, pơlê kong kơdrâm Ƀuôn Ma Thuột ăm ‘nâi, 3 hâi vêh ngi kố, kuăn pơlê kơ-êng roê kit séa ngăn pơreăng hên khât, tâk 3 hdroh tâng pơchông ƀă tiah hmâ.

Tung pơla mê, kơxô̆ kit test dêi tíu kố roê ‘mot iâ mê ôh tá bê tŭm kit vâ tê. Ôh ti xê to lăm roê kit vêh test xêh a hngêi, kơxô̆ kuăn pơlê lăm troh a mâu tíu khăm pơlât krê, hngêi pơkeăng bêng, Hngêi pơkeăng vâ test xuân hên, test PCR xuân tâk hên tâng pơchông ƀă hdrối tá hâi Têt. Nôkố, môi to ƀô̆ kit séa ngăn pơreăng ing troăng môh ki ai xiâm kối mơjiâng pro ing Pơhlăng, Alơmăng ai yă tê 70 – 80 rơpâu liăn môi to.

Katarina Nga tơplôu ƀă tơbleăng