VOV4.Xơ Đăng - Klăng roh Têt Lo hơnăm nếo Nhâm Dần 2022, Vi ƀan kong pơlê Dak Lak hiăng pơkâ ‘mân ăm lối 49 rơtal 500 rơtuh liăn lăm pôu, diâp kơxuô tơmeăm khoăng ăm mâu ngế krê, khu pú hên, diâp vâ chê 7 rơtal liăn tâng pơchông ƀă hơnăm nah. Pơtối mê, kơlo liăn diâp ăm mâu ngế krê tơdjuôm cho 300 rơpâu liăn/môi ngế; kơlo liăn diâp ăm mâu ngế ai troăng hơlâ tŏng kum, mơngế ai hnoăng tơnêi têa cho 400 rơpâu liăn/môi ngế; kơlo liăn diâp ăm mâu ngế teăng mâ rơpŏng ai troăng hơlâ, ai hnoăng tơnêi têa cho 500 rơpâu liăn/môi ngế; kơlo liăn diâp ăm mâu ngế dế châ tŏng kum rêm khế cho 1 rơtuh 300 rơpâu liăn/môi ngế.

Dak Lak diêp kơxuô tơmeăm

Rơtế amê, Vi ƀan kong pơlê diâp kơxuô tơmeăm Têt kơlo sap ing 2 rơtuh 500 rơpâu liăn – 6 rơtuh 500 rơpâu liăn ăm 407 tiú pêi cheăng mê cho: kơ koan đông lêng, Kŏng an, Mô đô̆i gak kring tơkăng kong, mâu kơ koan pơkuâ tơdroăng xivil, kơ koan pơkuâ tơnêi têa tung kong pơlê ƀă mâu kơ koan pa kong kong pơlê.

A Sa Ly tơplôu ƀă tơbleăng