A roh hôp, mâu kăn teăng mâ tơkŭm pro mơnhên xiâm kối, tối túa ki rơkê tơtro ƀă pơkâ troăng mơdêk ki dâi lĕm khu kăn ƀô̆ xiâm rêi, tơxâng pơkâ hnoăng cheăng tung hneăng nếo. Tiô jâ Huỳnh Thị Chiến Hòa, Phŏ Kăn pơkuâ hnê ngăn Tĭnh ủi Dak Lak tơdroăng mơdêk ki dâi lĕm kăn ƀô̆ xiâm rêi ƀă khu cheăng Đảng cho pơkâ ki thâ tung pơla pêi cheăng khu râ kăn pơkuâ péa râ, gum mơjiâng khu cheăng kal kí, ƀeăn ƀĕng, xêt khât, mơjiâng xiâm rêi ăm tơtêk rĕng ƀă krá tơniăn tung la ngiâ.

Jâ Huỳnh Thị Chiến Hòa pơkâ thế mâu khu râ kăn pơkuâ hnê ngăn cheăng Đảng tơkŭm séa ngăn, vêh mơnhên tâi tâng khu kăn ƀô̆; xing xoăng tro mơngế, tro tơdroăng cheăng; tơdrêng amê, pơhlêh nếo tơdroăng xiâm hôp chi ƀô̆ ƀă mơdêk ki dâi lĕm tơ’mot đảng viên.