Hneăng lăm pôu po tung pơla Việt Nam nếo klêi pôk mâu kăn xiâm, mơhno ki nhoăm khât ƀă Ấn Độ - kong têa tơrŭm cheăng tung tŭm tơdroăng hlối cho pú hmâ sap ing nah. Cho môi tung pái to kong têa ki apoăng mơjiâng tung tơrŭm cheăng mê ƀă Việt Nam, Ấn Độ hiăng rơtế ƀă Việt Nam mơdêk tơrŭm rế trâu rơdâ tung plâ 10 hơnăm hdrối, la tơdroăng vâ mơnhông mê ối hên. Tung pơla tơdroăng tung kơpong ƀă lâp plâi tơnêi ai hên ki pơ’lêh, tơdrêng ƀă ki mơ-eăm mơnhông rơdêi ‘na cheăng kâ, hneăng lăm pôu cho rôh vâ mâu kăn péa tơnêi têa tơpui tơno, ‘mâi mơnhông troăng hơlâ tơrŭm cheăng tung mâu hơnăm la ngiâ.

Kố cho rôh ki vâ mơdêk tơdjêp pơla khu xiâm, kơvâ cheăng, kong pơlê, khu mơdró, malối tung mâu kơvâ cheăng kơmăi kơmok, pơxiâm pêi cheăng ƀă pơ’lêh hriăn plĕng ki nếo.