Tơdroăng tơkêa bro vâ pêi ăm châ tâk tiô pơkâ dâng 75.000 ha, mơnhông hên kơvâ cheăng môi tiah kơmăi kơmok, kơphô̆, tê mơdró tơmeăm, pro kơno têa kơxĭ, logistic, on tơhrik ƀă ôm hyô; nôkố ai dâng 210 tơdroăng tơkêa bro, tung mê, ai 128 tơdroăng tơkêa bro hiăng châ pơxúa tung pêi cheăng. ‘Na kơno têa kơxĭ châ pơkâ hdró pro kơno tuk túa má Môi, kô châ vâ tơdah xo tuk ki chơ hngăm 150.000 tâ̆n. 

Tơbleăng a rôh pêi cheăng, pôa Nguyễn Văn Quảng tối nhên pơkâ pêi pro “phá tơ ê”, gum pêi ahdrối mơnhông tíu xiâm pro on tơhrik ki kân pro  xiâm tung tơdroăng tơ’mot ‘no liăn pêi cheăng, mơdêk ivá tơbriât cheăng; hlối rơtế pơkâ hdró hlối tơrŭm tung kơpong, mơdêk tơdjêp mâu tíu pêi cheăng, mơjiâng mâu tơmeăm khoăng ai tơdjâk troh châ mơnhông tơdâng tơ’mô.