Klêi kơ’nâi 3 khế tơ’mot, Dak Lak hiăng pro klêi 100% tơdroăng pơkâ pơ’lêh kơxô̆ a 102 to cheăm, bêng, ƀă kơxô̆ Hồ sơ pro tơdrêng tiô troăng hyôh châ 34,5%. Tíu xiâm pêi cheăng pro hlá mơ-éa péa râ xo lối 350 rơpâu Hồ sơ, tung mê ai 76% châ pro klêi tiô troăng hyôh. Lâp tung kong pơlê ai lối 83% ngế kuăn pơlê châ ăm tài khoản định danh điê̆n tưh kơlo 2, vâ chê 80% hiăng kich hoăt xúa.  Mâu tơdroăng mê mơhno rôh ki rơdêi dêi mâu kăn kong pơlê tung tơdroăng pơ’lêh kơxô̆, troh tơdroăng pro hlá mơ-éa hmâ chê kuăn pơlê, pro tơdrăng, tro tiô túa nếo.

Pôa Tạ Anh Tuấn - Kăn hnê ngăn Vi ƀan kuăn pơlê kong pơlê ăm ‘nâi, tung la ngiâ, tơdrêng ƀă pơ’lêh kơxô̆, kong pơlê kô tơkŭm mơngế pro klêi troăng kân xiâm, malối cho troăng kân tơdrăng ki tơdjêp Peăng mâ Hâi Lo - Mâ hâi lu, tơdjêp ƀă kơno tuk têa kơxĭ, tơraih tơƀai ƀă mâu troăng kân xiâm tơnêi têa mê cho troăng Peăng kơnhŏng - Peăng Hdroh ƀă Buôn Ma Thuột - Vân Phong.