Tơbleăng a hneăng hôp, hneăng cheăng kố, Khu kăn pơkuâ hnê ngăn Dak Lak hiăng pơkâ mơ’no 6 hnoăng cheăng, 3 tơdroăng pêi ki châ tơƀrê, tung mơnhông mơdêk cheăng kâ – rêh ối pơlê pơla. Hluâ 2 hơnăm tơdế pêi pro troh nôkố, mâu hnoăng cheăng ki xiâm pơkâ mơ’no.

Mơdêk cheăng kâ châ hên, tơdâng tâk 7,07%/hơnăm (pơkâ pêi hneăng hơnăm 2020 – 2025 tơdâng tâk 7,01%/hơnăm); ki kơnâ tâi tâng tơmeăm châ 56% pơkâ pêi; tơdroăng cheăng kâ hơnăm 2023 hên tâ châ 1,2 xôh tâng pơchông ƀă hơnăm 2020. Pakĭng mâu tơdroăng châ tơƀrê, a hneăng hôp, mâu kăn teăng mâ hiăng tơdrăng tối mâu tơdroăng ki u ối, tá hâi rơkê tơtro tung pêi pro Pơkâ Đảng ƀô̆ kong pơlê Dak Lak tơdế hneăng hiăng hluâ môi tiah tơdroăng pơkuâ, hnê mơhno dêi mâu khu râ kăn pơkuâ hnê ngăn cheăng Đảng, khu râ kăn pơkuâ tá hâi kơtăng, tá hâi teăm tơdrêng.

Tơdroăng pêi cheăng khu cheăng kal kí ai drêng ai tíu tá hâi tơdâng tơ’mô, tơdroăng tơrŭm tá hâi lĕm tro, tơdroăng gâk kring kal kí, tơniăn lâp pơlê pơla ai tíu tá hâi tơniăn, tơdroăng pơkuâ, gâk ngăn kong a mâu kong pơlê tá hâi tơtro lĕm khât.