VOV4.Xơ Đăng - Khu hnê mơhno Tơdroăng tơrŭm cheăng pơtâng tối mơhnhôk kuăn pơlê kong pơlê Dak Lak nếo tơkŭm po Hneăng hôp mơgêi Tơdroăng tơrŭm pơtâng tối mơhnhôk kuăn pơlê hơnăm 2021 ƀă pêi pro hnoăng cheăng hơnăm 2022. Tung hơnăm 2021, ing Tơdroăng tơrŭm, mâu kơ koan, tíu cheăng hiăng mơjiâng diâp 169 toăng hngêi tuăn pâ, hngêi khu pú ƀă hngêi kŏng đoân, tŏng kum rơpŏng kơtiê vâ chê 2.600 tơmeăm kum rêh ối pơlê pơla, khăm pơlât, xing xoăng pơkeăng tê kơtê ăm vâ chê 18 rơpâu roh ngế kuăn pơlê ƀă tâi tâng kơxô̆ liăn lối 20 rơtal 400 rơtuh liăn.

Dak Lak mơhnhôk lối 20 rơtal liăn pro tơdroăng pơtâng tối mơhnhôk kuăn pơlê 

Jâ H’Kim Hoa Ƀyă, Kăn pơkuâ pơtâng tối mơhnhôk kuăn pơlê Tĭnh ŭy Dak Lak, Kăn pơkuâ Khu hnê mơhno pơkuâ Tơdroăng tơrŭm pơtâng tối mơhnhôk kuăn pơlê pói vâ: Tung hơnăm 2022, mâu kơ koan, tíu cheăng mơnhên Tơdroăng tơrŭm pơtâng tối mơhnhôk kuăn pơlê tơkŭm a kơpong hơngế hơngo, kơpong ki pá puât ƀă mâu tơdroăng cheăng pêi, tơmeăm ki nhên, tơxâng tiô tơdroăng kal vâ.

A Sa Ly tơplôu ƀă tơbleăng