VOV4. Xơ Đăng - Tiô Khu hnê mơhno mơhnhôk pleăng mơheăm kong pơlê Dak Lak, tung pơla hdrối, tung ƀă kơ’nâi Têt Lo hơnăm nếo Nhâm Dần 2022, Hngêi pơkeăng kân kơpong Tây Nguyên rơtế mâu hngêi pơkeăng dêi kong pơlê kô kal dâng 2.000 tơdrong mơheăm vâ thâ pơlât ăm mâu ngế châi tamo. Ƀă dó inâi: ‘’Pleăng kơto mơheăm khêi – Diâp ăm tơdroăng rêh ối’’, Tơdroăng ‘’Hâi tĭng pleăng mơheăm’’ roh má 9 hơnăm 2022, xua Khu hnê mơhno mơhnhôk pleăng mơheăm kong pơlê Dak Lak tơkŭm po sap hâi lơ 8/1 troh nôkố hiăng mơhnhôk lối 3.500 ngế veăng.

Mâu ngế ki veăng pleăng mơheăm

Vâ chê 3.000 tơdrong mơheăm hiăng châ khu tơkŭm po pơtroh Hngêi pơkeăng pâk tơ’mot mơheăm tơnêi têa ƀă mâu hngêi pơkeăng tung kong pơlê vâ kum tung tơdroăng pơlât mâu ngế châi tamo. A mâu roh pleăng mơheăm rêm ngế pơrá pêi tiô pơkâ, pêi pro tro mâu troăng hbrâ mơdât pơreăng COVID-19.

A Sa Ly tơplôu ƀă tơbleăng