Hô̆i đong hnê ngăn kong pơlê Dak Lak hiăng tơbleăng Pơkâ ‘na mơjiâng nếo 6 to tíu pêi cheăng, mê cho: Khu ngăn tơring cheăm ƀă hnoăng cheăng dêi mâu kăn ƀô̆, Khu ngăn liăn ngân, Khu ngăn ‘na Chiâk deăng ƀă Mơnhông thôn pơlê, Khu mơjiâng pro kế tơmeăm, Khu ngăn Khoa hok ƀă Kong nghệ, Khu ngăn Hdroâng kuăn ngo ƀă tơdroăng loi tĭng, tiô khôp, tơdrêng amê hlối mơgêi pêi cheăng dêi Khu ngăn tơring cheăm ƀă hnoăng cheăng dêi mâu kăn ƀô̆.

Klêi kơ’nâi klâ xoăng, kong pơlê Dak Lak ai 13 kơ koan cheăng ối tung Vi ƀan hnê ngăn kong pơlê. Hô̆i đong hnê ngăn kong pơlê Dak Lak xuân tơbleăng Pơkâ mơgêi pêi cheăng Khu ngăn hdroâng kuăn ngo (dêi Hô̆i đong hnê ngăn kong pơlê). Klêi klâ xoăng, Hô̆i đong hnê ngăn kong pơlê Dak Lak ai 3 Khu, mê cho: Khu ngăn ‘na Cheăng kâ – Liăn ngân; Khu Pơkâ tơdroăng luât tŏng gum; Khu Ngăn Túa lĕm tro – Pơlê pơla.

Xuân a hneăng hôp kố, Hô̆i đong hnê ngăn kong pơlê Dak Lak hiăng tơbleăng Pơkâ ‘mâi pơhlêh, ‘mot tơ’nôm mâu tơdroăng pơkâ, hnoăng cheăng mơnhông cheăng kâ rêh ối pơlê pơla hơnăm 2025 ƀă ki xiâm vâ pêi cho mơdêk châ 8% tơngi klêng.