VOV4.Xơ Đăng -.Hlo pơreăng tâ tú rơ-iô dêi COVID-19 drêng kơxô̆ mơngế vâi ‘nĕng pá xôp 18 hơnăm pơtối tâk tung mâu hâi hdrối, kơxo lơ 23/2, pôa Nguyễn Đại Phong, Ngế xiâm pơkuâ Hngêi pơkeăng kân kơpong Tây Nguyên ăm ‘nâi, Hngêi pơkeăng kân dế mơ-eăm hbrâ vâ tơdah mơngế vâi ‘nĕng tâ COVID-19 ki râ ó pơlât a khu hngêi E dêi hngêi pơkeăng.

O kŭn pơlât COVID-19 rơtế ƀă dêi nôu a hngêi pơkeăng kân kơpong Tây Nguyên

Tiô ƀok thái pơkeăng Phong, hdrối nah Hngêi pơkeăng hiăng mơjiâng môi kơpong pơlât mâu ngế tâ COVID-19 ki râ ó a hngêi G, tung mê ai 10 to xoăng pơlât ăm vâi ‘nĕng ki râ. Laga, nôkố kơxô̆ vâi ‘nĕng tâ COVID-19 tâk hên  Khu ngăn pơkeăng pơlât hiăng hnê mơhno ăm Hngêi pơkeăng mơjiâng môi kơpong pơlât ăm mâu vâi ‘nĕng ki tâ.

Bú riân sap apoăng hơnăm troh nôkố, kong pơlê Dak Lak hiăng ai 11 rơpâu 563 ngế tâ COVID-19, tung mê ai 6 rơpâu 41 ngế vâi ‘nĕng pa xôp 18 hơnăm, vâ chê 30% tung yâi tâng mâu ngế tâ pơreăng.

Gương tơplôu ƀă tơbleăng