Hneăng hôp veăng ai 449 ngế kăn, teăng mâ lối 137.000 ngế đảng viên tung tâi tâng Đảng ƀô̆, pôa Nguyễn Văn Nên - Ngế kăn Tiêuh ƀan rah chêh mâu tơdroăng dei Hneăng hôp má 14 dêi Đảng, ƀă mâu Khu xiâm, kơvâ cheăng xiâm ƀă mâu kong pơlê.  Vâ mơhno ki pơ’lêh tơtro, Hneăng hôp tối ai 3 tơdroăng tơƀrê: Kô tăng rế hên ngế pêi cheăng rơkê, rơtế ƀă pơ’lêh nếo tơdroăng kăn ƀô̆; mơnhông cheăng Khoa hok kơmăi kơmok, pơ’lêh nếo, pơ’lêh kơxô̆ tŭm pái  tơdroăng; Mâu kăn kơxô̆, cheăng kâ kơxô̆; Tơkŭm ‘no liăn mơjiâng tơmeăm khoăng, malối a mâu troăng kân tơdrăng, troăng kân xiâm, kơpong hngêi kơmăi, kơphô̆.

Tơbleăng hnê mơhno hneăng hôp, pôa Nguyễn Văn Nên, khĕn kơdeăn khât mâu tơdroăng ki kong pơlê hiăng châ pêi pro, hlối pơkâ thế Dak Lak pơtối rak ki tơbrê “kong - têa kơxĭ”, mơdêk  tơrŭm ƀă kơpong, mơdêk ki tơƀrê mơngế cheăng ƀă mơ-eăm ‘mâi hơ’lêh luât, ‘mâi mơnhông tơdroăng ‘no liăn pro tơmeăm khoăng. Hneăng hôp hiăng tơbleăng Pơkâ dêi Khu xiâm Kal kí ai pơkâ ăm khu kăn hnê ngăn, Phŏ kăn hnê ngăn Tỉnh ủy hneăng 2025-2030.  Pôa Nguyễn Đình Trung, Ngế cheăng tung tíu xiâm Đảng châ rah xo pro kăn pơkuâ hnê ngăn Tỉnh ủi Dak Lak hneăng 2025-2030.