VOV4.Xơ Đăng - Sap apoăng hơnăm troh nôkố, tơdroăng ki ôh tá ai mơngế pêi cheăng, mâu ngế cheăng ki rơkê cheăng cho pá păng ‘nâng ‘nâng vâ tí tăng ‘mot vâi ki mê mot cheăng tung Ko\ng ti, khu mơdró kâ a mâu tíu dêi kong pơlê Dak Lak. Hên tíu pơkuâ pêi cheăng kâ bu ai hr^ng ngế pêi cheăng, tung pơla mê, ki păng ‘nâng kal ai troh a rơpâu ngế vâ pêi cheăng ăm tung khu mơdró kâ. Nam Trang, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê, pó vâi krâ-nho\ng o kô tơmâng.

Plâ hên khế hdrối mê hía nah, Hngêi ki mơjiâng pro xâk kriăng mâ [ă hngêi pơchoh hmân ếo Hà Thư, Hngêi kơmăi pêi cheăng Tân An, kong pơlê Dak Lak đi đo ôh tá ai bê mơngế mot pêi cheăng. Jâ Nguyễn Thị Trang, kăn pơkuâ ngăn tối ăm ‘nâi, jâ kal tăng rah xo dâng 800 ngế pêi cheăng, maluâ hiăng tối pơtâng, pơtroh  khe\n hên tíu, hên troăng hơlâ laga xuân bu nếo châ rah xo dâng 200 ngế pêi cheăng. Ôh tá bê mơngế pêi cheăng, mê tíu kố athế pêi cheăng krâ kơvâ, ai tơdjâk hên khât troh tơdroăng vâ ‘mâi mơnhông tung pêi chiâk pêi deăng:

‘’Á xuân dế tăng kuăn mơngế pêi cheăng, la mâu ko\ng nhân ki bro hồ sơ lăm nap akố bu iâ khât. Mâu vâi ki hriâm rơkê tơdroăng cheăng vâi mot cheăng a kong kân, klêi kơ’nâi ai pơreăng vâi ki mê bu troh lăm pêi cheăng akố to lâi khế tê, klêi mê, vâi lăm a Bình Dương, Đồng Nai nếo, vâi ôh tá pêi cheăng hlối a tíu ngin kố. Ko\ng nhân dế pêi cheăng la troh rơnó krí tiu, rơnó krí kơphế, mê vâi pơtê lo lăm pêi chiâk pêi deăng, tơkéa vâ tối rêm ngế pơtê, ôh tá ai kơbố ki lâi lo lăm pêi cheăng akố xếo’’.

Xuân môi tiah jâ Trang, pôa Nguyễn Kim Tùng, Kăn pho\ pơkuâ Ko\ng ti pêi cheăng tiô rơnó Tùng Bách tối ăm ‘nâi, Ko\ng ti pôa xuân ôh tá tá kâi chiâng vâ po rơdâ tơdroăng cheăng, thăm nếo tá hâi kâi teăm pêi cheăng tâi ivá, xua ôh tá ai tu\m mơngế pêi cheăng ki rơkê khât.

‘’Sap apoăng hơnăm troh nôkố, Ko\ng ti á kal pa 50 ngế pêi cheăng mê á hiăng chêh tối pơtâng lối 10 hâi kố, xuân hiăng pơtroh a hên tíu la bu ai dâng 10 ngế tê ki pêi cheăng. Ki păng ‘nâng nôkố dế ôh tá ai mơngế pêi cheăng. Ga lối hên ó tiah mê, pro tơdjâk troh hên tơdroăng cheăng, pơtih khu mơdró kâ dêi tơná kal po rơdâ mâu tơdroăng cheăng [ă tơniăn pêi tiô hnoăng cheăng ki ton, la xuân ôh tá khên po rơdâ xua ôh tá ai mơngế pêi cheăng’’.

Hên khu mơdró kâ dêi Dak Lak dế khuo#t mơngế pêi cheăng ki rơkê

Tiô tíu xiâm ngăn ‘na mơdró kâ mơjiâng cheăng pêi dêi kong pơlê Dak Lak tối, riân tâi 3 khế apoăng hơnăm, mê hơnăm kố ai 674 khu mơdró kâ tung kong pơlê [ă kong pơlê ki ê chêh inâi pâ mot pêi cheăng, la ki kal păng ‘nâng kô rah xo dâng 30 rơpâu ngế pêi cheăng. Maluâ ti mê, 3 khế hdrối mê hía nah, tíu kố hiăng hnê tối, tơbleăng mơhno xiâm ai dâng 10 rơpâu ngế pêi cheăng, xua mê, kal pơtối tí tăng rah xo mơngế pêi cheăng hên luâ tâ kơ mê nếo. Pôa Nguyễn Văn Cường, Kăn pho\ tíu xiâm tối ăm ‘nâi, ki hên khoh ôh tá ai mơngế lăm pêi cheăng xua tơdjâk ing pơreăng COVID-19.

‘’Ki hên mâu ngế pêi cheăng troh chôu phut kố hiăng châ lăm troh a tíu ki kal tăng mơngế cheăng, kơnôm ing tơdroăng tối pơtâng dêi mâu cheăm bêng, tơdroăng pơtâng tối ing mâu roh pêi cheăng.Maluâ ti mê, xua ai tơdjâk hên dêi pơreăng, mâu ngế pêi cheăng xuân ối xâu, tá hâi khên vêh a mâu hngêi kơmăi pêi cheăng, xua mê, ôh tá ai mơngê pêi cheăng hên’’.

Tiô tơdroăng chêh tối dêi Vi [an hnê ngăn kong pơlê Dak Lak: Tung 3 khế apoăng hơnăm2022, ai 227 khu mơdró kâ hiăng po nếo tơdroăng cheăng, tâk châ 22,7% tâng vâ pơchông ngăn [ă rơnó kố hơnăm 2021. Pak^ng mê, ai 327 khu mơdró kâ nếo châ mơjiâng, tơ’mô [ă 21,8% tâng vâ pơchông ngăn [ă tơdroăng pơcháu, tâk châ 19,78% tâng pơchông [ă rơnó kố dêi hơnăm nah. Maluâ tiah mê, tơdroăng tăng mơngế pêi cheăng, maluâ cho mâu ngế pêi cheăng ki hiăng châ hriâm rơkê ga trâm pá ó khât, ing mê khoh pro mâu Ko\ng ti, khu mơdro kâ trâm tơdroăng pá. Tiô pôa Nguyễn Hòang Giang, Kăn ngăn ‘na cheăng pêi, mô đo#i rong, pơlê pơla kong pơlê Dak Lak tối, Khu kố dế kơdo mơ-eăm chôa ‘lâng tah lôi tơdroăng pá tung tăng xo mơngế pêi cheăng, to\ng kum hnê cheăng pêi ăm mâu ngế pêi cheăng. Maluâ tiah mê, ki tơ-[rê ing tơdroăng cheăng kố xuân tá hâi kâi teăm tiah tơdroăng pói rơhêng vâ.

‘’Khu kố dế kơdo mơ-eăm tơru\m [ă mâu khu mơdró kâ pơtroh pơtâng mâu tơdroăng nếo ai, mơjiâng tơdroăng ki tơtro, tơ’lêi hlâu vâ tơ’mot mơngế pêi cheăng. {ă mâu ngế ki kal châ hriâm cheăng, mê nôkố mâu hngêi trung hnê cheăng pêi dêi kong pơlê xuân hiăng to\ng kum hên, môi tiah Tíu xiâm hnê hriâm ‘na tơdroăng cheăng pêi dêi mâu tơring pơrá tơ’mot mơngế cheăng, la troh a chôu phut kố, bu xiâm ai 8,6% kơxo# mơngế chêh inâi vâ hriâm. La ngiâ kố ah kô mơ-eăm po rơdâ tơdroăng hnê cheăng pêi ăm mơngế pêi cheăng a kong pơlê Dak Lak’’.

Tung pơla mâu khu mơdró kâ ‘’khuo#t’’ mơngế pêi cheăng, thăm nếo ôh tá ai mơngế cheăng ki rơkê păng ‘nâng, ing mê kô tơdjâk pá khât troh tơdroăng ‘mâi mơnhông pêi cheăng kâ, tê mơdró, mâu tơdroăng ki pơkâ veăng kum mơngế pêi cheăng vâ tah lôi ki mơnhe\n, tơvâ tơvân mê ăm khu mơdró kâ cho kal păng ‘nâng dế nôkố.

Nam Trang chêh

Nhat Lisa tơplôu [ă tơbleăng