Vi ƀan hnê ngăn kong pơlê Dak Lak nếo ai rôh pêi cheăng ƀă Khu pơkuâ cheăm bêng ƀă hnoăng cheăng dêi mâu kăn ƀô̆ kong pơlê. Tơpui a rôh pêi cheăng, pôa Đào Mỹ, phŏ kăn hnê ngăn Vi ƀan kong pơlê Dak Lak mơnhên tối khât ivá mơ-eăm pêi pro hnoăng cheăng dêi kơvâ cheăng pơkuâ ngăn cheăm bêng, kong pơlê ƀă hnoăng cheăng dêi mâu kăn ƀô̆ tung pơla hdrối nah. Hlo, túa pêi cheăng râ cheăm gá nếo, hên kăn ƀô̆ kong chưk tá hâi hmâ, xua mê kơvâ cheăng pơkuâ ngăn cheăm bêng ƀă hnoăng cheăng mâu kăn ƀô̆ kal séa ngăn krâu khu pêi cheăng dei 102 to cheăm, bêng, teăm tơbleăng ăm Vi ƀan hnê ngăn kong pơlê mâu tơdroăng xơpá, tơvâ. Reăng teăm mơnhên tối tíu pêi cheăng, tơdroăng pơkâ tơrŭm; klâ xoăng râ pơkuâ kơvâ cheăng; pơtroh kăn ƀô̆ Khu râ, kơvâ cheăng tŏng gum râ cheăm vâ pêi pro rĕng klêi mâu tơdroăng ăm kuăn pơlê.

Pôa Đào Mỹ tối nhên, kơvâ cheăng ngăn cheăm, bêng ƀă hnoăng cheăng mâu kăn ƀô̆ kal tơtrŏng tơdroăng rak vế, mơnhên tối kơlo ki xơpá vâ pâ troăng hơlâ chêh pro tơdroăng pơkâ tơdjuôm hnê mơhno mâu khu râ, kơvâ cheăng, cheăm, bêng vâ ai túa pơkâ tơleăng.