VOV4. Xơ Đăng - Tơdjâk troh rôh ko ‘nhiê kong Pơmu a kơpong 1219 ối tung tơnêi tơníu rak ngăn dêi Kŏng ti pêi cheăng tiô rơnó môi tung Lâm nghiệp Krông Bông ki VOV hiăng chêh tối, môi ngế kăn pơkuâ Khu ngăn chiak deăng ƀă mơnhông thôn pơlê kong pơlê Dak Lak ăm ‘nâi, tíu pêi cheăng kố hiăng tơbleăng tơdroăng kố ăm Vi ƀan hnê ngăn kong pơlê ƀă dế tơkôm pơxâu phâk ‘na tơdroăng kố.

Dak Lak: Pơkâ thế pêi pro nhên hnoăng cheăng ngế ki pơkuâ ăm ai tơdroăng ki hía kong

Tiô ngế ki kố, tung pơla hdrối kố nah, Kŏng ti pêi cheăng tiô rơnó môi tung Lâm nghiệp Krông Bông châ pơcháu rak ngăn kong la tá hâi hbrâ rơnáu, pêi pro kơhnâ, ôh tá hlo tơƀrê tung tơdroăng ki tơkŭm po hnoăng cheăng rak ngăn; chiâng ăm ai tơdroăng ki ko ‘nhiê kong xo loăng tung pơla ki ton. Xua mê, Khu ngăn chiâk deăng ƀă Mơnhông thôn pơlê kong pơlê pơkâ thế Kŏng ti pêi cheăng tiô rơnó môi tung khu Lâm nghiệp  Krông Bông tơkŭm séa ngăn, pêi pro nhên hnoăng cheăng dêi ngế ki pơkuâ, mâu ngế krê, khu pú hên ki ai tơdjâk. Klêi kơ’nâi chêh tối tơdroăng xôi dêi tơná athế pêi pro ƀă pơtroh ăm Vi ƀan hnê ngăn kong pơlê Dak Lak hdrối hâi lơ 4/3 la ngiâ.

Katarina Nga tơplôu [ă tơbleăng