VOV4.Xơ Đăng -   Kơxo lơ  27/2,  a cheăm Drai Bhăng, tơring Čư Kuin, Khu pơkuâ ngăn đoân kong pơlê Dak Lak tơkô̆m po Leh ăm mâu rơtăm lăm  pêi cheăng tung Khế droh rơtăm hơnăm 2022. A rôh leh mơhnhôk, khu pơkuâ ngăn Đoân droh rơtăm Dak Lak hiăng xiâm ăm pêi cheăng tâp trăng krâ pul on tơhrik troăng pơlê a cheăm Ea Tiêu ƀă tơmeăm mơjiâng pro “ Troăng pêi pro 3 tơdroăng ki lê̆m” a hngêi trung râ má pái phôh thông Y Jut.

Diâp rơxế mái ăm mâu hok tro kơtiê xơpá

Xo liăn ngân 150 rơtuh liăn vâ kum ăm mâu droh rơtăm ai cheăng pêi a tơring Čư Kuin. Diâp 1 toăng hngêi tuăn pâ ƀă ăm 40 kơxu tơmeăm, rêm kơxu 300 rơpâu liăn), 20 toăng rơxế mái ăm mâu rơpŏng xơpá ƀă hok tro tơkâ luâ xơpá hriâm rơkê. Khu ngăn Đoân tơring Čư Kuin xuân pơchaú 1 toăng hngêi tuăn pâ ăm mâu rơpŏng kơtiê xơpá, pro 1 to plong xah hêi ăm vâi o ƀă pơxiâm pro 1 to plông peăng ƀa long.

Gương tơplôu ƀă tơbleăng