Tiô tơbleăng, mơjiâng pro kơmăi kơmok, pêi cheăng tê mơdró – môi tơdroăng ki kal xiâm dêi Dak Lak tung 2 khế apoăng hơnăm, rak tơdroăng ki tơtêk. Pêi lo liăn tê tơmeăm ngi kong têa ê châ 218 rơtuh dollars, tâk 5%. Ôm hyô vêh lĕm tiah hdrối châ to rơdêi ƀă dâng 1 rơtuh 200 rơpâu ngế tơmối, tâk châ péa xoh tâng pơchông ƀă roh kố hơnăm hdrối. Xo hnoăng liăn ngân ăm tơnêi têa tung 2 khế vâ chê 3.800 rơtal liăn.

Tơdroăng pêi cheăng dêi khu tê mơdró xuân mơnhên ki hôm ƀă 236 khu tê mơdró mơjiâng nếo, tâi tâng kơxô̆ liăn kĭ vâ chê 2.860 rơtal liăn. Tiô kăn pơkuâ ngăn kong pơlê Dak Lak ăm ‘nâi, hên kơvâ dế rak a kơlo tơtêk péa kơxô̆ sap ing hâi apoăng hơnăm, pro chiâng tíu ki ối ai vâ khŏm pêi kêi đeăng tơtêk tơdjuôm tiô pơcháu.