Tơ’noăng tơkŭm po troh hâi lơ 21/3, ai 8 khu kơtú ƀalong vâi kơdrâi a kơpong Tây Nguyên ƀă kong tơbăng pá hdroh Tơdế Tơnêi têa, mê cho mâu khu Ea Păl, Ea Knốp, kong pơlê Dak Lak; mâu khu Đak Đoa, Jarai, kong pơlê Gia Lai, rơtế ƀă 4 khu ing mâu tíu cheăng ối tung kong pơlê Quảng Ngãi, Gia Lai ối tung Ƀinh đoân 15.

Mâu khu tơ’noăng kơtú ƀalong tiô kơ tơrêm 7 ngế, klâ xing xoăng roh tơ’noăng, rah khu ki rơkê mot tung ƀăn kê̆t ƀă chung kê̆t. Ki má môi dêi tơ’noăng cho tơdroăng ki veăng ai mâ dêi mâu vâi kơdrâi kơtú ƀalong hên hdroâng mơngế, môi tiah Rơđế, Jarai, Bơhnéa, Rơ Măm, Rơteăng, Tày, Nùng, Thái…Tơ’noăng cho roh vâ trâm mâ xah hêi, thăm rak krá tơniăn hnoăng tơrŭm môi tuăn pơla mâu kong pơlê ƀă pơlê pơla mâu hdroâng kuăn ngo a Tây Nguyên.