VOV4.Xơ Đăng - Hneăng tơ’noăng mơgêi hriâm râ má pái phôh thong hơnăm 2022 rế ton rế achê, pơreăng COVID-19 xuân pơtối tâ tú rơ-iô, mâu hngêi trung râ má pái tung kong pơlê Dak Lak dế hnê hok tro rơkê ƀeăng vâ hriâm klêi tơdroăng hriâm tung hơnăm. Malối cho hbrâ rơbot ƀai pro ƀai dêi mâu hok tro lâm ki mơ’nui râ, hbrâ ăm hneăng tơ’noăng mơgêi ƀă rah hok tro mot hriâm tung la ngiâ.

Lâp tung kong pơlê Dak Lak ai 59 ngế hriâm râ má pái phôh thông, tung mê ai 48 to hngêi trung hiăng ăm hok tro kô̆i 12 troh hriâm a hngêi trung. Mâu hngêi trung u ối xuân hriâm tiô hyôh măng Internet, ki hên cho mâu hok tro a pơlê kong kơdrâm {uôn ma Thuột  ƀă tơring Krông {uk.

Pôa Phạm Đăng Khoa, Ngế pơkuâ ngăn hnê hriâm ƀă hnê mơjiâng tuăn ngôa rơkê kong pơlê Dak Lak ăm ‘nâi, ngăn a tơdroăng pơreăng tâ tú a kong pơlê, mâu hngêi trung tơkŭm hnê hok tro ti lâi vâ tơniăn ăm hâi chôu hriâm, tơdroăng tung ƀai hriâm, mâu bai ki kal; hlối tơniăn ‘na ivá ăm mâu kăn bô̆, thái cô, mâu ngế pêi cheăng tung hngêi trung ƀă mâu hok tro.

Gương tơplôu ƀă tơbleăng